Абай облысында жоғалып кеткен орманшының мәйіті табылды
Фото: kursiv.media
Абай облысының полицейлері 12 маусымда хабар-ошарсыз жоғалып кеткен Бесқарағай ауданы Долон ауылының тұрғыны Сергей Николаевич Архиповтың денесін тапты. Іздеу іс-шараларын жүргізу барысында, өртті сөндіру орнынан 50 шақырым жерде мәйіті табылған. Оның денесінде зорлық-зомбылықтың сыртқы белгілері болған жоқ. Бұл туралы Ішкі істер министрлігі ақпараттық-медиа порталының телеграмм арнасы хабарлады.
Ақпаратқа сәйкес, ер адамның денесі қызметтік иттің көмегімен табылды. Ол Абай облысы ПД-нің кинологиялық есебінің құрамында жұмыс барысында сигнал беріп, трактор табылған жерден орман жолағына дейін ер адамның жолымен жүрді.
«Сот-медициналық сараптама тағайындалды, оның нәтижелері бойынша процестік шешім қабылданатын болады. Қылмыстық-процестік кодекстің 201-бабының 1-бөлігіне сәйкес сотқа дейінгі тергеп-тексерудің деректері жария етілуге жатпайды», делінген хабарламада.
Еске салайық, 9 маусымда Сергей Архипов тракторымен өртті сөндіруге көмектесу үшін Қаштақ ауылына барған. Сол күні онымен байланыс үзілген.
