Фото: kursiv.media
«Қазатомөнеркәсіп» ҰАК» АҚ 8 адамнан тұратын жаңа директорлар кеңесін сайлады, деп хабарлайды компанияның баспасөз қызметі.
«Қоғамның директорлар кеңесінің қазіргі құрамының өкілеттік мерзімінің аяқталуына байланысты акционерлердің кезектен тыс жалпы жиналысы шешімімен қоғамның жаңа директорлар кеңесі сайланды. 3 жыл өкілеттік мерзімімен тәуелсіз директор үшін бір бос орынды ескере отырып, 8 адам мөлшерінде сайланды», делінген сәрсенбі күні таратқан хабарламада.
Осылайша «Қазатомөнеркәсіп» ҰАК» АҚ директорлар кеңесінің төрағасы болып Арман Арғынғазин сайланды. Арғынгазиннің Қазақстандағы халықаралық банк құрылымдарында 20 жылдан астам тәжірибесі бар және бұған дейін Қазақстандағы ABN Amro компаниясында металл және тау-кен ісін басқарған.
Жаңа директорлар кеңесіне Аргинғазиннен басқа тәуелсіз директор Нодир Сидиков кірді. Сидиковтың Ұлыбритания азаматы және Ұлыбританиядағы халықаралық заң фирмасында 15 жылдан астам жұмыс істеген. Хабарламада оның Халықаралық энергетикалық келіссөздер қауымдастығының (AIEN) мүшесі, сондай-ақ Британ-Қазақстан заң қауымдастығының атқарушы комитетінің мүшесі екені атап өтіледі.
Бұрын хабарланғандай, директорлар кеңесінің төрағасы, тәуелсіз директор Нил Лонгфеллоу, Рассел Банхэм және Марк Кашер 2023 жылдың мамыр-маусым айларында өз өтініштері бойынша өкілеттіктерін мерзімінен бұрын тоқтатты. Олардың компаниядан кетуі 2020 жылы сайланған директорлар кеңесінің мерзімінің аяқталуымен тұспа-тұс келді.
Барлық өзгерістерді ескере отырып, компанияның директорлар кеңесінің құрамы келесідей өзгерген: тәуелсіз директор, директорлар кеңесінің төрағасы Арман Арғынғазин, тәуелсіз директорлар Арманбай Жұбаев пен Нодир Сидиков, сондай-ақ «Самұрық-Қазына» АҚ өкілдері – Ернат Бердіғұлов, Ернар Жанаділ, Елжас Отыншиев және Ержан Мұқанов.
«Қазатомөнеркәсіп» компаниясы – Қазақстанда уран мен оның қосындыларын, сирек металдарды, атом электр стансаларына арналған ядролық отынды және арнайы техниканы экспорттау жөніндегі ұлттық операторы. Компанияны «Самұрық-Қазына» Ұлттық әл-ауқат қоры» АҚ басқарады.
