«ҚазМұнайГаз» жақын арада Францияның TotalEnergies еншілес компаниясы саналатын Total E&P Dunga GmbH компаниясының 60% сатып алу мәмілесін аяқтайды. Бұл жайлы ҚМГ Басқарма төрағасының орынбасары Дастан Абдулғафаров мәлімдеді.
«ҚазМұнайГаз» Дунга кен орнын игеру жобасындағы Total үлесін басым құқықпен сатып алуды жүзеге асыратынын хабарлады. Энергетика министрлігі бұл бастамамызды қолдады. Біз қазір Total компаниясымен келіссөздерді аяқтаудың соңғы сатысындамыз. Менің ойымша, біз жақын арада келісімді аяқтаймыз. Келіссөздер жүріп жатыр», деді ол.
.Total баспасөз қызметі Францияның ірі мұнай-газ компаниясы TotalEnergies өзінің еншілес компаниясы Total E&P Dunga GmbH компаниясын қазақстандық Oriental Sunrise Corp Ltd компаниясына 330 миллион долларға сату туралы келісімге өткен жылдың соңында қол қойғанын хабарлаған болатын. Компания бұл келісімнің Қазақстанда энергетикалық көшу стратегиясын жүзеге асыру мақсатында жасалып жатқанын атап өтті.
Total E&P Dunga GmbH Қазақстандағы Дунга мұнай кен орнының 60%-на иелік етеді, бұл тәулігіне шамамен 7,4 мың баррель мұнай өндіреді. Компания мүшелігінде – Oman Oil Company Limited – 20% және Partex Kazakhstan Corporation – 20% бар. Мәміле Қазақстан билігінің мақұлдауымен жүзеге асты және серіктестер артықшылық құқықтарынан бас тартты. Oriental Sunrise Corp Ltd компаниясы мәміледен бірнеше күн бұрын, 2022 жылдың 17 қарашасында Астана халықаралық қаржы орталығында тіркелген.
Дүңге мұнай-газ кен орны Маңғыстау облысының Түпқараған ауданында орналасқан. Геологиялық қоры – 106 миллион тонна мұнай мен 6 миллиард текше метрден астам газды құрайды. Кен орны өнімді бөлу туралы келісім арқылы игеріледі.
«ҚазМұнайГаз» Қазақстандағы түрлі мұнай-газ жобаларындағы үлесті артықшылықпен сатып алуға құқылы. Энергетика министрлігінің рұқсатын алған компания осы мүмкіндікті пайдаланған, алайда мәміле айтарлықтай кешіктірілді.
Мәміле аяқталғаннан кейін Қашаған кен орнын игеруге жауапты TotalEnergies компаниясы Солтүстік Каспий жобасы консорциумындағы 16,81% үлесін сақтап қалады.
