Қазақстан стандарттау және метрология институты «QazCem» Қазақстан цемент және бетон өндірушілер қауымдастығымен бірлесіп әзірлеген композициялық портландцементке және композициялық цементке арналған стандарт бекітілді.
Жаңа стандарттың басты ерекшеліктерінің бірі – өндірушілердің цемент өндірісіндегі қож бен күл сияқты өнеркәсіп қалдықтарын пайдалану мүмкіндіктерін кеңейту. Бұл қадам қалдықтарды сақтау көлемін азайтуға және тұрақты әлеуметтік-қоғамдық өмір қалыптасуына ықпал ету арқылы экологияға оң әсер етеді.
Стандарттағы тағы бір жаңалық – клинкер-фактордың азаюы, бұл Қазақстан Республикасындағы цемент өндіретін зауыттарға соңғы өнімнің сапасына нұқсан келтірмей өндіріс көлемін ұлғайтуға мүмкіндік береді.
«Мұндай тәсіл Мемлекет басшысының Шетелдік Инвесторлар Кеңесінің 34-ші пленарлық отырысында белгілеген, экономиканы декарбонизациялау бойынша мәлімделген мақсаттарға қол жеткізуге ықпалы болады деп ойлаймыз», – деп атап өтті ҚазСтандарт сарапшылары.
