АҚШ-тың Бағалы қағаздар және биржалар жөніндегі комиссиясы инвестқорларға талапты күшейтеді

АҚШ-тың Бағалы қағаздар және биржалар жөніндегі комиссиясы (SEC) венчурлық қорларға, жеке капитал қорларына және хедж-қорларға қатысты ақпаратты ашу талаптарын қатаңдатуға бағытталған жаңа ережелерді бекітті, деп хабарлайды Financial Times.

Бұл соңғы 10 жылда аталған салада енгізілген ең көлемді реформа. Осы уақыт ішінде АҚШ-тағы түрлі қорлар саны үш есе өсіп, қазір 100 мыңнан асты, ал олардың басқаруындағы қаражат көлемі 25 триллион доллардан асады.

Жаңа талаптар әр түрлі қорлардың көрсеткіштерін салыстыруға мүмкіндік беретін шығындар мен комиссиялар туралы мәліметтерді қоса алғанда, тоқсандық нәтижелерді жариялауды стандарттауға қатысты.

Сонымен қатар, оларда жеке инвесторлармен неғұрлым қолайлы шарттармен құпия мәмілелерді жасауға тыйым салынған. Енді қорлар мұндай мәмілелердің шарттарын жариялауға міндетті болады. Сондай-ақ қорлар жеке клиенттерге басқа инвесторлар қол жеткізе алмайтын эксклюзивті ақпаратты бере алмайды.
Шешімді Бағалы қағаздар және биржалар жөніндегі комиссия басшылығы дауыс беру арқылы қабылдады.

«Біздің үлкенді-кішілі инвесторлар ашықтық пен біркелкіліктің пайдасын алдағы уақытта көреді. Енді капитал нарығындағы ережелер айтарлықтай реттеледі», – деді комиссия төрағасы Гэри Генслер.

Осы уақытта салалық қауымдастықтар жаңа ережелерді сынға алуда. Олар институционалдық инвесторлар қор менеджерлерімен жеке шарттары бойынша сауда жасай алуы керек деп есептейді.

«Сондықтан талаптарды қатайту инновацияға зиянын тигізеді, шығындарды арттырады және ондаған мың қолданыстағы келісімшарттардың тоқтатылуына әкеледі», – деп дабыл қағуда салалық қауымдастықтар.

Өнеркәсіп жағында SEC мүшесі Хестер Пирс ережені өзгертуге қарсы дауыс берді.