Шағын компаниялардың акциялары рекорд орнатып, Уолл-стрит сарапшылары болжамдарын қайта қарастырып жатыр

Опубликовано
Фото: Reuters Connect

Дамушы нарықтардағы 2023 жылға арналған ең ұтымды стратегия -тшағын компаниялардың акцияларын сатып алу болды. Жалпы Уолл-стрит сарапшыларының болжамдары қате болып шықты: Америка қор нарығында акциялар қатты қымбаттайды деп ешкім күткен жоқ еді. Дегенмен, қазірдің өзінде ФРЖ ақша-несие саясатын жеңілдетуі мүмкін болса да, көптеген болжамдар нарық «аю» бағытында болады дегенге саяды. Өткен демалыс күндері әлемдік БАҚ осы және өзге де тақырыптарды қозғады.

Уолл-стрит сарапшылары 2023 жылға арналған болжамы қате болғанын мойындады

Bloomberg сауалнамасына қатысқан сарапшылар америкалық қор нарығына қатысты болжамдарының қате болып шыққанын атап өтті. Америка Банкінің мәліметі бойынша, қор нарықтары өткен аптада 18 айдағы апта сайынғы ең үлкен ағынды тіркеді. 2022 жылдың соңында бұндай раллы болады деп күткендер аз еді, сондықтан стратегтер енді клиенттерге арналған ұсыныстарды түзетуге мәжбүр.

Мәселен, Societe Generale өкілі Маниша Кабра 2022 жылдың соңында S&P 500 индексі2023 жылдың соңына қарай 4300 тармақты құрайды деп болжаған еді. Енді ол индекс 4,750 тармаққа жетеді деген болжам жасап отыр.

Морган Стэнлидегі Майк Уилсон 2023 жылдың шілдесінде қатесін мойындаған алғашқылардың бірі болды. Дегенмен, ол әлі де АҚШ акциялары 2023 жылдың соңына дейін 10%-дан астам құлдырайды деген пікірде.

Қазіргі уақытта Уолл-стриттің көпшілігін толғандыратын үлкен сұрақ – ФРЖ мөлшерлені қаншалықты жоғарылататыны. Бұл өте маңызды, өйткені ақша-несие саясаты жеңілдетілгенге дейін акцияларға ақша салса, онда екі есе пайда табуға болады.

Bloomberg сауалнамасына қатысқан экономистер 19-20 қыркүйекте өтетін отырысында шенеуніктер мөлшерлемені 5,25%-дан 5,5%-ға дейін сақтайды деп күтеді.

Шағын акциялардың өсуі дамушы нарықтарға 318 миллиард доллар әкеледі

Дамушы нарықтардағы 2023 жылға арналған ең ұтымды стратегия шағын компаниялардың акцияларын сатып алу болды, деп жазады Bloomberg. 1905 акцияны қамтитын MSCI Emerging Markets Small Cap Index жыл басынан бері 14,7%-ға өсті. Үндістанның қор нарығындағы кішігірім компаниялар, сондай-ақ жасанды интеллект пен электрлік көліктер саласындағы жаңадан келген компаниялар ең үлкен табысқа қол жеткізді.

Дегенмен, Loomis Sayles & Co. қаржы менеджері Ашиш Чуг дамып келе жатқан нарықтардағы шағын компаниялар құбылмалы екенін ескертеді. Сонымен қатар, олар инвесторлардың көңіл-күйі нашарлаған кезде бірінші болып сатылады. Бірақ Цюрихтегі Юлиус Баэр банкінің үлестік стратегі Ненад Динич мөлшерлемені төмендету жаңа циклінің басталуымен шағын компаниялар акциялар ең бірінші өсуі мүмкін деп санайды.

Goldman Sachs ФРЖ қараша айында мөлшерлемелерді көтеруі екіталай дейді

Goldman Sachs стратегтерінің пікірінше, АҚШ-тың Федералды резерв жүйесі қараша айының басындағы отырысында пайыздық мөлшерлемелерді көтермейді. Олар сондай-ақ ФРЖ осы аптада экономикалық өсу болжамдарын көтереді деп болжайды, деп жазады Reuters. «Қарашадан кейін еңбек нарығының одан әрі теңгерілуі, инфляция туралы жақсы жаңалықтар және төртінші тоқсанда экономиканың құлдырауы мүмкін деп ойлаймыз. Мұның бәрі ФРЖ Федералдық ашық нарық комитетін биыл мөлшерлемені одан әрі арттырудан бас тартуға көндіруі мүмкін», – деп жазды инвестициялық банктің стратегтері баяндамада.

Кейбір ірі инвесторлар, соның ішінде JP Morgan Asset Management және Janus Henderson Investors да ФРЖ ақша-несие саясатының траекториясын өлшеуге тырысуда. Олардың сарапшылары соңғы онжылдықтардағы ең агрессивті акша-несие саясаты циклі өзінің бетбұрыс кезеңінде (төмен қарай) болуы мүмкін екенін айтты.

Егер инфляция төмендей берсе, келесі жылы «біртіндеп» мөлшерлеме төмендеуі мүмкін, дейді Goldman Sachs.

Калифорния Exxon, Shell және BP компанияларын сотқа берді

Калифорния әлемдегі ең ірі мұнай компанияларын халықты адастырып жатыр деп сотқа берді, деп хабарлайды The New York Times сот шешіміне сілтеме жасап. Сан-Франциско Жоғарғы сотында берілген азаматтық іс Exxon Mobil, Shell, BP, ConocoPhillips және Chevron компанияларына бағытталған. Компаниялардың әрекеттері ондаған миллиард доллар шығын әкелді және қазбалы отынмен байланысты тәуекелдерді азайту арқылы халықты алдады, делінген сот қаулысында.

Қысқа-нұсқа

Мұнай бағасы Ресей мен Сауд Арабиясындағы өндірістің қысқаруы, сондай-ақ Қытай тарапынан сұраныстың артуы жағдайында 100 долларға жетуі мүмкін. Бұл жаһандық инфляцияның қайта көтерілуіне алаңдаушылық туғызады, деп жазады The Guardian.

Шэньчжэньде (Қытай) Evergrande активтерін басқару бөлімінің басшысы Ду Лян және компанияның басқа топ-менеджерлері ұсталды, деп хабарлайды Reuters жергілікті полиция департаментіне сілтеме жасап. Оның өкілдері үндеу жасап, инвесторларды Эверграндқа «кез келген қаржылық қылмыстар туралы хабарлауға» шақырды. Қытайдың ең ірі девелопері өткен аптада тағы да қарызын қайта құрылымдау туралы шешім қабылдай алмады.

Читайте также