ФРЖ мәлімдемесінен соң АҚШ қор нарығы өсуін жалғастырды

Фото: shutterstock.com

АҚШ қор нарықтары сейсенбіде қазынашылық облигациялардың арзандауы және ФРЖ шенеуніктерінің қарыз алу шығындарын одан әрі арттырудың қажеті жоқ деген мәлімдемесі аясында өсуін жалғастырды. Бұл турал KASE-нің қор нарығына шолуында жазылған.

Dow Jones Industrial Average 0,4%-ға, S&P 500 0,52%-ға, Nasdaq Composite 0,58%-ға көтерілді. Мұнай мен газды қоспағанда, S&P индексіндегі 11 сектордың 10-ы жасыл түсте жабылды. Табыс маусымы PepsiCo акцияларының 1,9%-ға өсуімен басталды. Bank of America акциялары жыл сайынғы Prime Days шарасының алғашқы күнінде 2,7%-ға, ал Amazon 1%-ға қымбаттады. Rivian акциялары UBS рейтингтерін жаңартқаннан кейін 4,6% қосты.

Еуропа қор нарықтары да көтерілген: DAX пен Stoxx 600 индекстері 2% қосты. Саяхат және туризм саласындағы компаниялардың Таяу Шығыстағы оқиға салдарынан сатылымы төмендеп кеткен акциялары қалпына келіп, 4%-ға жуық өсті. Қытай билігі 2023 жылға арналған бюджет тапшылығын ұлғайтуды жоспарлап отырғаны туралы хабардан кейін тау-кен компанияларының акциялары 3%-ға, ал автокөлік акциялары 2,5%-ға қымбаттады. Мұнай және газ компанияларының акциялары апта басындағы табыстарын сақтап, 1%-дан астам өсті.

Жапонның Nikkei 225 индексі сәрсенбіде 0,6%-ға көтеріліп, 31 964-ке жетті. Жапондық өндірушілердің көңіл-күйі жаһандық экономиканың төмендеуі Жапонияның саудаға тәуелді салаларына деген сенімге нұқсан келтіргендіктен, күпті болып тұр. Технологиялық компаниялардың акциялары көш бастап тұр: SoftBank Group (+2,4%), Advantest (+3,8%) және Lasertec (+5,4%)

Shanghai Composite индексі сәрсенбіде 0,2%-ға өсіп, 3081-ге жетті. Өсім көшбасшысы – технология және денсаулық сақтау компанияларының акциялары: HWA Create (+15,5%), Shijiazhuang Chan (+10%), iFLYTEK (+8,5%), Aier Eye Hospital (+7,8%) және Chongqing Zhifei (+4,9%),

Мәскеу биржасының индексі сейсенбіде 0,19%-ға өсіп, 3 081,22 болды.

KASE индексі 0,38 пайыз азайып, 4057,55 тармақты құрады.