Шағын және орта бизнес иелері енді БЖТ (ЕСП) төлемейді. Олар үшін арнайы салық режимдері енгізіледі. Бұл жайлы қаржы вице-министрі Ержан Біржанов айтты.
Біржанов алдағы уақытта арнайы салық режимдерін және электрондық сауданы реформалау жоспарланып отырғанын айтты. Оған сәйкес интернет-платформалар арқылы табыс табатын тәуелсіз қызметкерлер 1 млн теңгеден аз кіріс үшін жеке кәсіпкер ретінде тіркелмей салық төлей алады.
«Шағын және орта кәсіпкерлікті дамытудың ел экономикасы үшін маңыздылығын назарға ала отырып, олардың бүгінгі күннің шарттарына сәйкестігі үшін арнайы салық режимдерін реформалау көзделеді. Осылайша, жеке тұлғаларға интернет-платформалар арқылы қызмет көрсететін тәуелсіз қызметкерлерге айына 1 млн теңгеден аз кіріс кезінде жеке кәсіпкер ретінде тіркелмей салық салуды енгізу ұсынылады», деді министрлік өкілі.
Бұл ретте ұсталатын бірыңғай төлем ставкасы жеке табыс салығына 1% мөлшерінде және әлеуметтік төлемдерге 3% мөлшерінде бөле отырып, табыстың 4% мөлшерінде, шекті табыс-жылына 4000 АЕК мөлшерінде белгіленеді.
«Осылайша, тәуелсіз қызметкер үшін салық міндеттемелерін орындау едәуір жеңілдейді, өйткені жеке кәсіпкер ретінде тіркеу есебіне қою міндеттемесінің күшін жоюдан басқа, интернет-платформаға аударылатын салықтар мен әлеуметтік төлемдерді есептеу және төлеу бойынша міндеттемелер алынып тасталады, сондай-ақ салық есептілігін ұсыну бойынша міндеттемелер алынып тасталады», деді Біржанов.
Ол сонымен бірге интернет-платформа мемлекеттік органдардың ақпараттық жүйелерінде есеп айырысқаннан кейін төрт түрлі төлемнің орнына бірыңғай төлемді ұстап қалатынын және төлейтінін айтты. Министрдің орынбасары декларацияны автотолтыруды, ҚҚС бойынша табысқа дейін кірісті, қызметкерлердің саны 5 адамға дейін және салық ставкасы 5%, әлеуметтік төлемдерді көздейтін Микробизнес үшін режим енгізу ұсынылатын атап өтті.
Еске сала кетсек, Мемлекеттік кірістер комитеті осыған дейін Бірыңғай жиынтық төлемнің қолданылу мерзімі аяқталатынын хабарлаған. Бірыңғай жиынтық төлем, коронавирус пандемиясы кезінде, бастапқыда 5 жылға (2019 жылдан 2023 жылға дейін) уақытша енгізілген. Бұл төлемді жылдық табысының сомасы 4 млн теңгеден аспайтын, жеке тұлғаға қызмет көрсететін, жеке кәсіпкер ретінде тіркелмеген, өзін-өзі жұмыспен қамтыған азаматтар төлей алатын.
«БЖТ енгізудің негізгі және жалғыз мақсаты – өзін-өзі жұмыспен қамтығандарды міндетті әлеуметтік медициналық сақтандыру, әлеуметтік сақтандыру және зейнетақымен қамсыздандыру жүйелеріне тарту. Сондықтан бұл төлемдері төмен жеңілдік кезеңі болды. Бұл кезең аяқталады», деп хабарлады комитет.
Келесі жылдан бастап бірыңғай жиынтық төлем (БЖТ) алынып тасталатынын «Әлеуметтік медициналық сақтандыру қоры Алматы филиалының директоры Тілеухан Әбілдаев айтқан болатын.
Бүгінгі күнге дейін төлемнің бұл түрін жеке қосалқы шаруашылық өнімдерін сататын және өзге жеке тұлғаларға қызметтер көрсететін, жылдық табысы 1175 айлық есептік көрсеткіштен аспайтын азаматтар, жұмыссыздар, бала күтімі бойынша бір жарым жасқа дейінгі әлеуметтік төлемдерді алғысы келген жүкті әйелдер пайдаланып келді.
«Бұған дейін БЖТ төлеп келген азаматтар 2024 жылдан бастап сақтандыру жүйесіне дербес төлеуші ретінде қатыса алады. Төлем сомасы ең төменгі жалақының 5 процентін құрайды», деді Әбілдаев.
