![](https://kz.kursiv.media/wp-content/uploads/2023/12/3-1024x576.jpg)
Түркістан облысы Төлеби ауданы әкімдігінің лауазымды тұлғасы аудан қорындағы жерді заңсыз рәсімдеп, алаяқтықпен иемденіп алды деген күдікке ілінді.
Облыстық прокуратура іс бойынша тергеп-тексеру жұмыстарын бастады. Күдікті азамат уақытша тергеу изоляторында отыр.
«Қылмыстық іс бойынша ауданның Жер қатынастар бөлімінің басшысы, өзінің қызмет бабын пайдалана отырып, осы бөлімнің бұрынғы басшысымен алдын-ала сөз байласу арқылы нарықтық құны 326 млн теңге құрайтын 200 га астам құнарлы жер учаскелерін заңсыз рәсімдеді деген күдікке ілінді», – делінген прокуратура хабарламасында.
Осыған дейін прокуратура 12 адам жалған диплом көмегімен «Дипломмен-ауылға» бағдарламасы бойынша 30 млн теңгеге жуық ақша алғанын анықтаған.
Ұлытау облысының прокуратурасы Жезқазған қаласында 223 млн теңге бюджет қаражатын талан-таражға салу фактісін анықтап, іс бойынша тергеу жұмыстары басталды.