Қазақстан 2024 жылы мұнай өндірісін 90,3 млн тоннаға дейін арттырмақ
Қазақстан 2024 жылы 90,3 миллион тонна мұнай өндірмек. Бұл туралы Энергетика министрлігінің баспасөз қызметі хабарлаған.
«2024 жылға арналған жоспар – 90,3 млн тонна», – деп хабарлады баспасөз қызметі.
Энергетика министрі Алмасадам Сәтқалиев 2023 жылдың соңына қарай республикада іс жүзінде 90 миллион тоннаға жуық мұнай өндірілгенін, бастапқыда бұл көрсеткішті 93 миллион тоннаға жеткізу жоспары болғанын айтты.
Министрдің айтуынша, жоспардың орындалмауына мұнай кәсіпорындарындағы жөндеу жұмыстары мен ОПЕК+ келісімі бойынша Қазақстанның өз міндеттемелерін орындауы себеп.
Негізі 2023 жылы 90,5 млн тонна мұнай өндіру жоспарланған. Ауытқуға кен орындарындағы түрлі жағдай себеп болды. Мысалы, 8 тамызда электр қуатының шектелуіне байланысты мұнайдың тәуліктік өндірісі 228 мың тоннаға дейін төмендеді.
«Теңізшевройлда», «Маңғыстаумұнайгазда», «Ембімұнайгазда», «Өзенмұнайгазда» және «Қаражанбасмұнайда» мұнай өндіру көлемі қысқарды. 3 шілдеде МАЭК-тегі апат салдарынан Атырау мұнай өңдеу зауытындағы өндіріс пен «ҚазМұнайГаздың» бірнеше кен орындарында мұнай өндіру тоқтады. 3-14 шілде аралығында Шымкент мұнай өңдеу зауытының жұмысында ішінара іркіліс пайда болды.
Елімізде мұнай өндіру көлемі шамамен 10%-ға қысқарды. Бұған Маңғыстау атом энергетикалық комбинатындағы (МАЭК) апат тікелей әсер етті. Электр қуатының шектелуіне байланысты Қазақстанда мұнай өндіру көлемі тәулігіне 1,5-2 млн тоннаға төмендеді.
11 тамызда МАЭК-2 ЖЭО-да 2 турбоагрегат сөндірілді. Салдарынан Атырау энергетика орталығында 45 МВт, Маңғыстау энергетика орталығында 98 МВт тоқ тұтынушыға жетпей қалды. Бірқатар елдімекендерде электр жарығын беру жартылай шектелді. Оқиғаға орай құрылған жедел штаб желдеткіш арқылы электр энергиясын беруге уақытша шектеу енгізу туралы шешім қабылдады.
Сарапшылардың есебінше, МАЭК-те болған апатты жағдайдың салдарынан бюджетке түсуге тиіс болған салықты қоса алғанда 1 млрд доллардан астам шығын келді
Қазақстан ерікті түрде 2024 жылдың 1 қаңтарынан наурыз айының соңына дейін мұнай өндірісін тәулігіне 82 мың баррельге қысқартуға міндеттеме алған болатын.
Энергетика министрлігінің мәлімдеуінше, Қазақстанда мұнай көлемі тәулігіне 1468 мың баррельге дейін азаюы мүмкін. Министрлік ірі мұнай өндіруші компаниялардың акционерлерімен мұнай өндіруді қысқарту туралы келіссөз жүргізген.
