Қазақстандық ұшақтарға қашан интернет қосылады

Жарияланды
Шығарушы редактор
Қазақстандық ұшақтарға интернет қосылады / shutterstock

Қазақстанда Аir-to-Ground (A2G) технологиясы бойынша ұшақтарда интернет пайда болуы мүмкін. Freedom Telecom Цифрлық даму министрлігінен тиісті рұқсат алған. Бұл туралы «Курсивке» берген сұхбатында компания СЕО директоры Қайрат Ахметов айтты. 

A2G технологиясының көмегімен жолаушылар ұшу кезінде әлеуметтік желілер мен мессенджерлерді пайдаланып қана қоймай, өз құрылғыларынан браузерде әртүрлі парақшаларды ақтара алады. 4К деңгейіндегі видеоларды қарап, YouTube тамашалап, Zoom конференциясына қатыса алады. 

Қайрат Ахметовтың айтуынша, A2G технологиясының спутниктік байланыс көзінен басты  айырмашылығы бұл кәдімгі ұялы байланыс үшін пайдаланылатын жоғары бағытталған сәулесі бар жердегі мұнаралар. Олардың сигналын қабылдау үшін ұшақтар арнайы терминалдармен жабдықталған.

Маманның айтуынша, Freedom Telecom алғашқы тоғыз базалық станциясы Астана-Алматы бағытында пайда болады. Жолаушыларға қызмет көрсету құны әуе компаниялармен келіссөздер аясында бекітіледі. Ол Aviata.kz (Freedom холдингіне кіреді) сервисін пайдаланушылар үшін борттағы интернетке кіру тегін болуы мүмкін екенін айтты. 

CNN Business мәліметтері бойынша, American Airlines 2008 жылы АҚШ-та A2G қолдана бастады. 2022 жылы бұл технология Солтүстік Америкада 1000-нан астам ұшақта қолданылады.

Ұшақтарға интернет қосу қандай әуе компаниялардың жолаушылары үшін алғашқы игілік болады 

Еуропада халық санының көп әрі географияның тығыздығына байланысты A2G қолдануда шектеулер бар. Алайда кейбір елдер, соның ішінде Норвегия мен Швеция ішкі рейстер үшін A2G қолдана бастады. Әлемнің басқа бөліктерінде, соның ішінде Азия мен Африкада A2G сирек кездеседі. Бұл аймақтар әуе кемелерінде интернет қызметін ұсыну үшін спутниктік жүйелерді қолданады.

2018 жылы Air Astana әуе компаниясы спутник арқылы үш «Боинг-767» ұшағында интернетті іске қосты. Содан кейін эконом және бизнес-класс жолаушыларына үш пакет: «Старт» 15 МБ, «Бизнес» 50 МБ, «Супер» 100 МБ қолжетімді. Әуе компаниясының байланыс орталығы «Курсив» тілшісіне мұндай қызмет енді ұсынылмайтынын айтты. Әуе компаниясының баспасөз қызметі пандемия кезінде интернет өшірілгенін және рейстерде енді спутниктік жүйе қолданылмайтынын жеткізді.

«Провайдер пандемия кезінде бұл қызметті тоқтатты және бұл бизнестен шықты», –делінген редакция сауалына берілген жауапта.  

Forbes мәліметтері бойынша, Ресейде жергілікті тасымалдаушылардан борттағы интернетті тек «Аэрофлот» ұсынады. 2013 жылдан бастап мұндай қызмет Airbus 330 және төрт Boeing 777 ұшақтарында да қолданыла бастады. 

Uzbekistan Airways 2021 жылы интернетті халықаралық рейстерде пайдалануға болатынын хабарлады. Тәжікстанда жергілікті Тcell операторы 2023 жылы интернетті роуминг арқылы қолдануға мүмкіндік берді. Әзірбайжан әуе компаниялары 2022 жылы Wi-Fi арқылы әуе кемелерінің бортында ойын-сауық жүйесінің іске қосылғанын хабарлады. Оның көмегімен фильмдер, сериалдар, түрлі бағдарламаларды көруге болады. Дегенмен бұл ішкі Wi-Fі, яғни интернет желісі жолаушыларға қолжетімді емес. Мұндай мультимедиялық жүйе көптеген  әуе тасымалдаушысында, соның ішінде Air Astana-да қолжетімді.

Посткеңестік өзге елдердің арасында борттағы интернет Армения, Беларусь, Қырғызстан, Молдова және Түрікменстанда қолданылмайды. Әлемде борттағы интернет Scandinavian Airlines, Turkish Airlines, Lufthansa, Austrian Airlines, Swiss International Air Lines, Qatar Airways, Flydubai, Air France, KLM, Air Serbia, Alitalia компанияларында бар.

Freedom Telecom – 2023 жылы құрылған Қазақстан нарығындағы жаңа Телеком операторы. Freedom Holding экожүйесіне кіреді. Компанияның Астана, Түркістан, Шымкент, Өскемен, Атырау, Семей, Ақтау, Алматы, Қонаев және Тараз қалаларында он филиалы бар. Компанияның клиенттері қатарында жеке тұлға, ірі, орта, шағын бизнес және мемлекеттік органдар бар. Компания 2024-2025 жылдары 5G технологиясы бойынша жұмыс істейтін мобильді оператор құруға ниетті.

Сондай-ақ оқыңыз