Солтүстік Корея жексенбіде бірнеше қанатты зымырандарды ұшырды. Бұл туралы Bloomberg Оңтүстік Корея әскери күштері хабарлағанын айтты.
Басылымның хабарлауынша, зымырандарды ұшыру жексенбіде жергілікті уақыт бойынша таңғы сағат 8-де болған. Оңтүстік Кореяның әскери күштері өз кезегінде «күзетшілерін күшейтті».
«Біз Солтүстік Кореяның қосымша белгілері мен әрекеттерін бақылауды жалғастырамыз», — деді Оңтүстік Кореяның Штаб бастықтары комитеті мәлімдемесінде.
Естеріңізге сала кетейік, бұған дейін Шығыс теңіз аймағында Оңтүстік Корея, АҚШ және Жапонияның бірлескен жаттығуларына жауап ретінде «Хэиль-5-23» су астындағы ядролық қару жүйесін сынақтан өткізді.
Бұл туралы Кореяның орталық телеграф агенттігі елдің Қорғаныс министрлігіне сілтеме жасап хабарлады.
«Бұл жаттығулар біздің қауіпсіздігімізге үлкен қауіп төндірді. Бұған жауап ретінде КХДР Ұлттық қорғаныс Академиясы жанындағы суасты қару-жарақ жүйелері институты Жапон теңізінің акваториясында «Хэил-5-23″ суасты ядролық қару жүйесін сынақтан өткізді»,– деп хабарлады КХДР Қорғаныс министрлігі.
Бір жыл бұрын Ким Чен Ын соғысуға әрқашан дайын болуға пәрмен берді. Ол Жұмысшылар партиясының Орталық әскери комиссиясының отырысын өткізіп, онда әскери оқу жаттығуларын күшейтуді тапсырған.
Сондай-ақ тамыз айында Ким Чен Ын ықтимал соғысқа «шабуылдау» әдісімен дайындалуға шақырғанын мәлімдеді. Бұл мәлімдеме Оңтүстік Корея мен АҚШ бірлескен әскери жаттығулар өткізуді жоспарлағаны белгілі болғанда айтылды.
Кореяның орталық ақпарат агенттігінің мәліметінше, Ким әскери дайындық жөнінде кеше Кореяның Еңбек партиясы басқаратын Орталық әскери комиссияның кеңейтілген жиынында сөз етті. Бұрын мұндай кездесулер ақпан, наурыз, сәуір айларында қатарынан өткізілетін.
«Ол Корей түбегі мен оның төңірегіндегі қазіргі жағдайды терең талдап, Корей халық армиясының шабуылдау түріндегі әскери дайындығын одан әрі арттыру туралы маңызды қорытынды жасады»-Кореяның орталық ақпарат агенттігі.
