Түркияда қаңтар айында инфляция 14 ай ішінде ең жоғары деңгейге дейін өсті. Бұл туралы Интерфакс ру сайты хабарлады.
«Қаңтар айында Түркияда тұтыну бағасының өсу қарқыны 2022 жылдың қараша айынан бастап 14 ай ішінде ең жоғары деңгейге жетті», – делінген хабарламада.
Елдің статистикалық институтының (Turkstat) мәліметтері бойынша, инфляция желтоқсан айындағы 64,8%-бен салыстырғанда жылдық мәнде 64,9%-ды құрады.
«Бұл ретте сарапшылар инфляция орташа есеппен 64,5% – ға дейін баяулайды деп болжады», – деді Trading Economic.
«Қаңтар айында коммуналдық қызметтердің құны 46% – ға (бір ай бұрын – 40,4% – ға), Көлік қызметтерінің құны-77,5% – ға (77,1% – ға) өсті. Сондай-ақ тұтыну бағасы өткен айға қарағанда 6,7% – ға өсті», – делінген хабарламада.
«Азық-түлік, энергия, темекі өнімдері мен алтынның құнын ескермейтін базалық инфляция бір ай бұрын 70,6% болса, қаңтар айында 70,5% -ды құрады»,– деп хабарлайды Turkstat.
Еске сала кетсек, Ресей мен Түркия бірлескен банк құру мәселесін талқылап жатыр деп хабарладық.
Мұндай банк құру мүмкіндігі әлі талқылануда, бірақ тараптар Ресей президенті Владимир Путиннің Түркияға алдағы сапары барысында жоғары деңгейде келіссөздер жүргізуді жоспарлап отыр», – деп жазды басылым.
Бұған дейін хабарланғандай, 1 қаңтардан бастап қос тарап арасындағы аударымдар толық тоқтады. Түркиядағы экспорттаушылар сауданы жалғастыру жолдарын іздестіре бастады.
Айта кетейік, Түркияның ақша-несие саясаты комитеті пайыздық мөлшерлемені (бір апталық РЕПО аукционы мөлшерлемесі) 40%-дан 42,5 %-ға көтерді. Бұл туралы ресми мекеменің сайтында хабарланды. Trading Economic мәліметтері бойынша, бұл көрсеткіш 20 жыл бұрын осы деңгейден асқан: 2003 жылдың сәуірінде ол 44%-ға жетіп, кейін 41%-ға дейін төмендеген.
Түркияның Орталық банкі 2021 жылдың ақпанынан бері өзгермеген негізгі мөлшерлемені биыл 6 маусымда көтерді. Содан кейін реттеуші мөлшерлемені екі есе дерлік: жылдық 8,5%-дан 15%-ға дейін жоғарылатты. Осылайша мөлшерлеме маусым айынан бері жетінші рет көтеріліп, нәтижесінде алты айда пайыздық мөлшерлеме 4,5 есе өсті.
Bloomberg жүргізген сауалнамаға қатысқан экономистердің басым бөлігі Түркияның ақша-несие саясаты комитеті негізгі репо мөлшерлемесін 250 базистік тармаққа, 42,5% дейін көтереді деп болжаған. Standard Chartered Plc инвестициялық банкі 500 базистік тармаққа өседі деген болжам жасаған.
2023 жылы мамырда Түркияда президент сайлауы өтіп, сайлауда Режеп Тайып Ердоған жеңді. Ол сайлауалды бағдарламасында елдегі инфляцияны төмендетемін деп уәде берген. Қазір Түркияда инфляция 62%-ға жуықтап тұр.
Сайлаудан кейін Ердоған ақша-несие саясатындағы инфляциямен күресу үшін мөлшерлемелерді төмендетуді талап ететін әдісінен бас тартты. Биыл маусым айында Түркия президенті Түркия Орталық банкінің басшысын тағы да ауыстырып, Хафиз Гайе Эрканды тағайындады. Ол Орталық банк ел экономикасы 2025 жылдан кейін тұрақталады деп күтетінін мәлімдеді.
