Қазіргі уақытта Kazakh Invest жалпы құны 27,3 млрд долларды құрайтын 200 жобаны қолдап отыр. Оның нәтижесінде 68,8 мың жұмыс орнын ашу көзделген. Бұл туралы Премьер-министр Олжас Бектенов өткізген «Kazakh Invest» ҰК» АҚ директорлар кеңесінің отырысында айтылды.
Биыл шетелдіктердің қатысумен 40-тан астам жоба іске қосылады деп күтіледі.
Ең маңыздыларының бірі – Астана қаласындағы америкалық GE Healthcare компаниясының медициналық құрал-жабдықтарын шығаратын кәсіпорын. Жоба шеңберінде УДЗ және КТ аппараттарының өндірісі локализацияланады. Бұл ауруханаларды қамтамасыз етеді. Болашақта басқа елдерге экспортты жолға қоюға мүмкіндік береді. Сонымен қатар компания республиканың денсаулық сақтау жүйесіндегі кадрлардың біліктілігін арттыру үшін білім беру бағдарламаларын ұйымдастыруды жоспарлап отыр, – делінген Премьер-министрдің ресми сайтында.
Сондай-ақ швейцариялық Roche компаниясы алдағы уақытта экспортқа шығу перспективасымен Алматыда ісікке қарсы препараттар өндірісін іске қосады.
Австриялық Lasselsberger компаниясы Астанада керамикалық плиткалар, құрғақ құрылыс қоспалары мен құрылыс желімдері өндірісін локализацияланып жатыр. Жаңа зауыттың ашылуы 200-ден астам жұмыс орнын құруға мүмкіндік береді және Қазақстан нарығының осы өнімдердегі импортқа тәуелділігін төмендетеді.
Премьер-министрдің тапсырмасы бойынша Kazakh Invest алдағы жұмысында перспективалы жобаларға инвесторлар тартуға басымдық береді:
- астықты терең өңдеу;
- пластмассаның сұранысқа ие түрлерін өндіру;
- мұнай-газ жабдықтарын және импорт көлемі жоғары басқа да тауарларды оқшаулау.
Мемлекет басшысы 2029 жылға қарай экономика көлемін $450 млрд-қа дейін ұлғайту міндетін қойды. Сондықтан ірі инвесторларды іздеу және оларды елімізге тарту бойынша жұмысты күшейту керек. Бұл орайда батыл әрі жаңашыл шешімдер қажет, — деді премьер-министр Олжас Бектенов.
Бұған дейін Бектенов инфляцияны төмендетпесе, өңір басшыларына шара қолданатынын жазған едік.
Премьер-министрдің айтуынша, өңірлер арасында инфляцияның ең көп өсуі Қарағанды, Шығыс Қазақстан және Маңғыстау облыстарында тіркелген. Осыған орай үкімет басшысы өзінің орынбасары Серік Жұманғаринға осы мәселені қатаң бақылауда ұстауды тапсырды. Ал егер қажетті шаралар қабылданбаса, өзі шара қолданатынын айтты.
«Егер өңірлер жергілікті жерде инфляцияны төмендету бойынша қажетті шаралар қабылдамаса, тиісті шешім қабылдау үшін маған дереу баяндаңыз», – деді Бектенов.
Еске сала кетсек, қаңтарда жұмыртқа бағасының не себепті қымбаттап кеткенін Сауда және интеграция министрі Арман Шаққалиев айтқан болатын.
«Маусымдық өсім барын жасырмаймыз. Әлеуметтік маңызы бар тауарлар бойынша айына 0,2% қымбатшылық бар. Баға динамикасы әрдайым маусымға қарай өзгереді. Жазда жұмыртқа бағасы арзандайды, қыста қымбаттайды. Маусым, жаңбыр, қар мен күн сәулесі де бар», – деді Шаққалиев.
Министрдің сөзінше, Пасха мерекесінен кейін Қазақстанда жұмыртқа арзандай бастайды.
«Пасхадан кейін мамыр-маусым айларында баға төмендейді. Бағаның күрт құбылмауы үшін тұрақты бағаны ұстауға тырысамыз. Мысалы, бір жылда 10 жұмыртқа үшін 500 теңгеге дейінгі баға сақталады да, қыста қымбаттап, жазда арзандамайды», – деді министр.
