Apple мен Google жасанды зерде технологиясын қолдану туралы келісімге отырмақ
Apple iPhone-да Google Gemini жасанды зерде технологиясын қолдану туралы келісім жасап жатыр, деп жазды Bloomberg дереккөздерге сілтеме жасап. Егер мәміле жасалса, Apple жасанды интеллект жарысында позицияны нығайта алады. Ал Google Gemini-ді 2 миллиард құрылғыға орнату мүмкіндігіне ие болады.
Толығырақ
Bloomberg журналисі Марк Гурман Apple және Google биылғы жылы iPhone бағдарламалық жасақтамасында пайда болатын жаңа мүмкіндіктерді іске асыру үшін Gemini-ге лицензия беру туралы белсенді келіссөздер жүргізіп жатқанын айтты. Жақында Apple OpenAI-мен келіссөздер жүргізіп, оның ChatGPT жасанды интеллект моделін қолдануды қарастырған.
Apple және Google өкілдері түсініктеме беруден бас тартты. Apple компаниясы маусым айындағы конференцияға дейін бұл туралы ресми мәлімдеме жасауы мүмкін. Bloomberg дереккөздері Apple мен Google әзірге жасанды зерде келісімінің шарттарын немесе оның қалай жүзеге асырылатынын шешпегенін атап өтті.
Гурманның айтуынша, компаниялар келісімге келмеуі де мүмкін. Сондай-ақ Apple ақыр соңында OpenAI сияқты басқа генеративті жасанды интеллект провайдеріне жүгінуі мүмкін.
Ақпан айының соңында өткен акционерлер жиналысында Apple компаниясының бас директоры Тим Кук компания осы жылы жасанды зерде саласында «жаңа мүмкіндіктерге жол ашады» деп уәде берді. Бірақ Apple басшысы егжей-тегжейін ашпады.
Өткен аптада Apple компаниясы осы жылдың басында компьютерлік емес жасанды интеллект технологияларын жасауға маманданған канадалық DarwinAI стартапын сатып алғаны белгілі болды.
Нарық
Google және Apple акциялары әлеуетті ынтымақтастық туралы жаңалықтар әсерінен өсуде. Нью-Йорктегі премаркетте Apple акциялары 0,6%-ға, Alphabet 2,3%-ға өсті.
«Apple мен Google арасындағы келісім Еуропалық одақта да сынға ұшырайды. Себебі билік Apple-ді тұтынушыларға іздеу жүйесін әдепкі Google жүйесімен ауыстыруды жеңілдетуге мәжбүр етуде. Іздеу жүйесі бойынша келісімі екі компания үшін де аз пайда әкелуі мүмкін. Бірақ жасанды интеллект туралы жаңа келісім оның орнын толтыруға көмектесуі мүмкін», — дейді Гурман.
Әлемде 2 миллиардтан астам Apple құрылғылары белсенді қолданылады. Келісім аясында Google Gemini-да 2 миллиардтан астам құрылғыда орнатылуы мүмкін. Қаңтар айында Samsung компаниясы Gemini негізіндегі жасанды интеллект мүмкіндіктері бар жаңа смартфондарды ұсынды.
Құнды қағаздар
Apple акциялары биыл 10%-дан астам төмендеді. IPhone өндірушісі нарықтық капиталдандыруда шамамен 330 миллиард доллар жоғалтты.
Bloomberg жазуынша, әлсіз қаржылық нәтижелерге қарамастан, Apple компаниясы акцияларды қалпына келтіруге дайын. Компанияның балансында 170 млрд доллардан астам қаражаты бар. Ал оның таза кірісі болжам бойынша биыл 100 млрд долллардан асуы тиіс. Бұл Apple-ге жаңа нарықтарға шығуға және дивидендтер мен buyback арқылы акционерлерге ақшаны қайтаруға «теңдесі жоқ» ресурстар береді, дейді агенттік.
«Егер сіз берік, тұрақты өсуді ұнататын ұзақ мерзімді инвестор болсаңыз, біз Apple-ді инвестициялау үшін тамаша орын деп санаймыз», — деді Jensen Investment Management менеджер Кевина Уолкуш.
Бірнеше жыл бойы Apple акциялары Microsoft корпорациясымен бірдей рентабельділікке қатысты саудаланды. Бірақ жақында, агенттік атап өткендей, жағдай өзгерді. Apple-дің капиталдандыруы келесі 12 айдағы болжамды кірістен 25 есе көп, бұл P/E Walmart-қа ұқсас. Сонымен қатар, Microsoft болжамды пайдадан 32 есе, ал Nvidia 35 есе қымбат.
