Қазақстанда Жеңіс күніне орай әскери шеру өтпейді

Жарияланды
парад
Қазақстанда Жеңіс күніне орай әскери шеру өтпейді / shutterstock

2024 жылы Қазақстанда Отан қорғаушылар күні мен Жеңіс күніне арналған әскери шеру өткізу қайтадан тоқтатылды. Қорғаныс министрлігі бюджет қаражатын үнемдеп, оны басқа істерге жоспарлаған.

«2024 жылы Қазақстанда әскери шеру өткізу бюджет қаражатын үнемдеу есебінен, сондай-ақ басқа да міндеттерді шешу қажеттілігіне байланысты жоспарланбайды»,– делінген хабарламада.

Қорғаныс министрлігі басқа міндеттердің Қазақстан Қарулы күштері бөлімшелерінің жауынгерлік әзірлігі мен ұтқырлығының қажетті деңгейін қолдауды көздеу екендігін атап өтті.

2023 жылы Қорғаныс министрлігі Бюджет қаражатын үнемдеу үшін Жеңіс шеруін тоқтатқан. 2022 жылы шеру Отан қорғаушылар күніне мен 9 мамыр мерекесіне орай өткізілмеді. Дегенмен Жеңіс күні Қазақстан қалаларында түрлі іс-шаралар мен концерттер өтті. Пандемияға дейін қазақстандықтар «Мәңгілік полк» акцияларына қатысты. Ковидтік шектеулер кезеңінде мұндай акциялар онлайн-форматта өтті.

Қазақстандағы соңғы әскери шеру 2018 жылғы 7 мамырда Отарда (Жамбыл облысы) өткізілді. Шеруді сол кезде Қарулы Күштердің Жоғарғы Бас Қолбасшысы – ҚР президенті Нұрсұлтан Назарбаев қабылдады.

Қазақстанда 7 мамырда мемлекеттік мереке – Отан қорғаушылар күні, 9 мамырда – Жеңіс күні атап өтіледі. Биыл ардагерлер Ұлы Отан соғысындағы Жеңістің 79 жылдығын атап өтеді.

Сондай-ақ оқыңыз