Forbes тізіміндегі кәсіпкер Орифджан Шадиев Ұлттық банк алдындағы 15,7 млрд теңге қарызын толығымен өтеді. Бұл туралы «Курсив» сауалына берілген Ұлттық банктің жауабында айтылған.
«Орифджан Шадиев Ұлттық банк алдындағы 15,7 млрд теңге қарызды толығымен өтеді, соңғы төлем 2024 жылдың 20 ақпанында жүзеге асырылды», – деп хабарлады бас банк.
Енді Шадиевтің Ұлттық банк алдында қарызы жоқ. Бұл ретте реттеуші тәркіленген жерлерді қалай басқаруды жоспарлап отыр?
«Бұған дейін Ұлттық банк атқарушылық және азаматтық іс жүргізу шеңберінде Орифджан Шадиевтің мүлкін өндіріп алу, оның ішінде некеде тұрған кезде бірлесіп сатып алған мүлікті иеліктен шығару бойынша жұмыс жүргізген. Осыған байланысты, 2023 жылдың 4 қыркүйегінде Алматы қаласының прокуратурасы (мемлекет мүддесі үшін) және Ұлттық банк Алматы облысында орналасқан (960 га) жер телімдерін сатып алу-сату шарттарын жарамсыз деп тану туралы талап-арыз берді», – деп жазылған жауапта.
Оның иесі – Шадиевтің әйелі болған. Ол жер телімдерін үшінші тұлғаларға сатқан.
«Бұл учаскелер шын мәнінде Ұлттық банкке тиесілі емес. Шадиевтің қарызын толық өтегенін ескерсек, қазіргі уақытта Ұлттық банктің оған қоятын талаптары жоқ. Атқарушылық және азаматтық іс жүргізу шеңберінде жұмысты жалғастыруға негіз жоқ», – деп хабарлады реттеуші.
Ұлттық банк кәсіпкерді тағы да сотқа беруді жоспарлап отыр ма?
«Сapital Bank Kazakhstan» АҚ-ны тарату ісінің шеңберінде Ұлттық Банк қаржы ұйымынан 7,7 млрд теңге көлемінде өсімпұл өндіруді талап ету құқығын сақтап қалды. Ұлттық Банктің талаптары тарату процесіндегі кредиторлардың 8-ші кезегіне берілді. Қазіргі уақытта осы 8-кезектегі кредиторлармен есеп айырысу басталды. Осылайша, бұл бағыттағы жұмыстар жалғасуда», – деп хабарлады ҰБ.
Еске сала кетсек, Орифджан Шадиев бақылауында болған «Capital Bank Kazakhstan» және «AsiaCreditBank-ке» тиесілі 960 га жер телімі Ұлттық банк резервіне қайтарылғаны хабарланған.
«Алматы прокурорлары Ұлттық банк меншігіне 960 гектар жер телімін қайтарды», –делінген прокуратура хабарламасында.
2021 жылы Орифджан Шадиев Forbes журналының «Қазақстанның ең ықпалды 50 кәсіпкері» тізімінде 40-шы орынды болған. 2018 жылы Forbes Шадиевтің жағдайын 177 млн доллар деп бағалады. Forbes мәліметтері бойынша, Шадиев 2021 жылғы қазандағы жағдай бойынша құрылыс бизнесінде активтері болған. Шадиевке тиесілі компаниялар қатарында «Integra Construction KZ» ЖШС (бұрынғы «Жол Жөндеуші») және «PRIME SYSTEM KZ» ЖШС, Capital Bank Kazakhstan және AsiaCredit Bank болды
