Rivian акциялары  ең төменгі деңгейге дейін түсті

Rivian электромобиль өндірушісінің акциясы сауда-саттық кезінде ең төменгі деңгейге дейін түсті. Lucid компаниясының бағалы қағаздарының құны да төмендей түсті . Екі компанияның акциялары екінші күн қатарынан арзандауда. Жаңа жағымсыз фактордың бірі- Ford-тың электромобильдерінің бағасын төмендету туралы шешімі болды. Бұл баға қақтығысын күшейтеді және пайда таба алмайтын стартаптарға қауіп төндіреді.

Толығырақ

– Сауда-саттық барысында Rivian акцияларының құны 9,38 долларға дейін төмендеді. Биржадағы қағаздар ешқашан арзан болған емес. Бұл баға 10 сәуірде жабылу бағасынан 8,7% – ға төмен, сол күні акциялар да 3,39% — ға арзандады. 

– Lucid акциялары 2,55 долларға дейін арзандады. Бұл сәрсенбідегі сауда-саттықтың жабылу бағасынан 3,8% – ға төмен және қаңтардың ортасынан бастап ең төменгі баға болып есептелді.  10 сәуірде Lucid қағаздары 2,41% – ға төмендеді.

– Tesla акциялары, керісінше, қымбаттады: бұл кезде өсім 175,29 долларға жетті. Соңғы  бағасынан 2%-ға жоғары.

Акцияның төмендеуінің себебі неде

Ford   11 сәуірде F-150 lightning электр пикаптарының бағасының төмендегенін жариялады, деп хабарлады Bloomberg. Жеңілдік мөлшері 7,5%-ға дейін жетеді. Flash моделі 5 мың долларға өсті: енді оның бағасы 67 995 доллардан басталады. F-150 бағасы 5 сәуірден бастап төмендеді. Bloomberg-тің жазцынша, бұл қаңтарда жасалған өсімнің бір бөлігін өтейді. Ford  жеңілдіктер компанияға «сатылымның өсуі мен клиент үшін құндылықтың оңтайлы үйлесіміне қол жеткізу үшін нарыққа бейімделуге» көмектесетінін айтты. Компания 2024 жылдың ақпанында «сапа мәселелеріне»байланысты F-150 жеткізілімін тоқтатқаннан кейін электропикап қорларының жиналуына тап болды. Ford  осы  айда электромобильдерді жеткізуді жалғастыруды жоспарлап отыр, деп жазды Bloomberg.

Компаниялар бір-бірімен бәсекелестікке және электромобильдерге сұраныстың жалпы төмендеуіне байланысты бағаны төмендетуге мәжбүр. EV секторындағы баға қақтығыстары  инвесторларды алаңдатады. Өйткені жеңілдіктер маржаға теріс әсер етеді, деп түсіндірді Bloomberg. Rivian және Lucid  сияқты стартаптар үшін бұл кірістілікке қол жеткізуді одан әрі кейінге қалдыру қаупі бар, деп атап өтті агенттік.

10 сәуірдегі акциялардың құлдырауының себебі Bank of America компаниясының екі өндірушінің акцияларының бағасы бойынша мақсатты төмендету туралы шешімі болды. Бұл ретте банк Rivian акциялары үшін Вuy рейтингін (сатып алу) және Lucid қағаздары үшін бейтарап рейтингті сақтап қалды.

Сарапшылар не дейді

Bloomberg Intelligence сарапшысы Стив Мэннің айтуынша, Ford F-150 Lightning бағасын төмендетеді деген жаңалық электромобильдер нарығында дүрбелең тудырады. Әсіресе Rivian және Lucid-ке қатты әсер етеді, деді. «Екі стартап та қиындықтарға тап болады. Бұл ақша үнемдеу қажет болған кезде олардың пайдасы мен ақша қорларының төмендеуіне әкелуі мүмкін», — деп атап өтті сарапшы.