Осы апта инвестор неге баса назар аударуы тиіс: компаниялар бірінші тоқсан үшін есеп береді, Қытай Үкіметі ЖІӨ бойынша мәліметтерді жариялайды

S&P500 индексіне кіретін компаниялардың шамамен 10%-ы осы аптада бірінші тоқсандағы кірістер туралы мәліметтерді жария етеді. Инвесторлар назары қай компанияларда болуы ықтимал? Barron ‘ s басылымының жазуынша, сарапшылардың Консенсус бағасы бір акцияға шаққандағы тоқсан сайынғы кіріс жыл өткен сайын 5% -ға өседі деп болжайды. Уолл-стритте дүйсенбі күні Goldman Sachs, сейсенбіде Bank of America және Morgan Stanley Фино есеп береді деп күтіп отыр.

Аптаның екінші жартысында инвесторлар бейсенбі күні жарияланатын Netflix және TSMC кірістері мен болжамдарына назар аударатын болады. Өйткені аталған компанияның Тайваньдағы зауыттары жер сілкінісінен зардап шеккен болатын.

Осы аптада инвесторлар АҚШ-тың макроэкономикалық деректерін, соның ішінде бөлшек сауда және өнеркәсіптік өндіріс статистикасын зерттеуді жалғастырады. Наурыз айындағы инфляция деректері шыққаннан кейін нарық қатысушылары Федрезерв пайыздық мөлшерлемелердің төмендеуін маусымнан кейінгі мерзімге кешіктіруі мүмкін деп алаңдаған болатын.

Наурызда күтпеген жерден АҚШ-та жоғары инфляция тіркелгеннен кейін нарық қатысушылары ФРЖ қыркүйекке дейін мөлшерлемені төмендетпейді деп үміттене бастады. Ал әлсіз экономикалық деректер мөлшерлеменің тез төмендеуіне әкелуі мүмкін. Осы себепті Уолл-стрит дүйсенбі күні жарияланатын наурыз айындағы бөлшек саудаға қатысты деректер мен сейсенбі күні жария болатын өндірістік көрсеткіштерді бақылайды. Сонымен қатар осы аптада АҚШ-тағы тұрғын үй нарығының жағдайы туралы мәліметтер жарияланады.

Қор нарығының қатысушылары еуроаймақ экономикасы бойынша деректерді де күтуде. Сәуір айындағы отырыста ЕОБ пайыздық мөлшерлемелерді өзгеріссіз қалдырды. Сонымен бірге реттеуші инфляция баяулай берсе, маусым айында төмендеуі мүмкін екенін айтты. The Wall Street Journal жазуынша , сәрсенбіде аймақтың наурыз айындағы инфляция туралы қорытынды деректеріне нарық қатысушылары ерекше назар аударуы мүмкін. Алдын ала мәліметтер оның консенсус болжамынан гөрі төмендегенін көрсетті.

Азияда инвесторлар Қытайдың назары Қытайдың алғашқы тоқсандағы ЖІӨ-не қатысты деректерінде. Ол сейсенбі күні мәлім болады. Barclays экономистері Цзян Чанг пен Брайан Тан бірінші тоқсанда өнеркәсіп өндірісіне қатысты деректер жақсы және наурыз айында іскери белсенділіктің қалпына келуі мен қаңтар-ақпан айларында экспортқа қатысты көрсеткіштердің жақсы болуына байланысты ҚХР экономикасына қатысты осыған дейін жасалған болжам орындалуы керек.

Дүйсенбі, 15 сәуірде Goldman Sachs, Charles Schwab және M&T Bank бірінші тоқсандағы кірістер туралы хабарлайды.

АҚШ-тың санақ Бюросы наурыз айында бөлшек сауда туралы алдын ала мәліметтерді жариялайды. Barron ‘ s ұсынған консенсус бағалауына сәйкес, бөлшек сауда ақпан айында 0,6% өскеннен кейін ай сайын 0,4% өседі.

Еуростат ақпан айында Еуроаймақтағы өнеркәсіптік өндіріс туралы мәліметтерді жариялайды. Инвесторлар бұл деректерден проблемалы өндіріс секторындағы мәліметтердің жақсару белгілерін іздейді. «Егер кіріс деректері, әсіресе, жалақы мен корпоративті кірістерге қатысты, ECB-нің наурыз айындағы болжамдарында қарастырылған сценарий расталатын болса, біз банк өзінің шектеулі ақша — несие саясатын қысқарта бастайды деп санаймыз», – деп WSJ PIMCO портфолио менеджері Константин Вейттің клиенттеріне арналған жазбаны келтіреді.

Сейсенбі, 16 сәуір, Bank of America, Johnson & Johnson, Morgan Stanley, United Airlines Holdings және UnitedHealth Group тоқсандық есепті жария етеді.

Халық санағы жөніндегі бюро АҚШ-та наурыз айында салынған жаңа үйлер туралы статистика жариялайды. Консенсус-бағалауға сәйкес, жылдық санақта көрсеткіш 1,5 млн үйге жетуі мүмкін. Бұл ақпан айындағыдан аздап төмен.

Қытай Үкіметі соңғы макроэкономикалық мәліметтерді көптеп жариялайтын болады: үй бағасына қатысты, бөлшек сауда, негізгі капиталға салынған инвестиция, наурыз айындағы өнеркәсіп өндірісі және алғашқы тоқсандағы ЖІӨ көрсеткіштері.

Сәрсенбі, 17 сәуір Abbott Laboratories, ASML Holding, Citizens Financial Group, Crown Castle, CSX, Discover Financial Services, Equifax, Kinder Morgan, Las Vegas Sands, Prologis, Travelers және U.S. Bancorp өткен тоқсандағы нәтижелерін жария етеді.

Еуростат наурыз айындағы еурозонада қалыптасқан инвестиция туралы ақпаратты жариялайды. Наурыз айындағы бағаның өсімі туралы деректерді Ұлыбританияның статистика қызметі де жария етеді.

Бейсенбі, 18 сәуір, Netflix, TSMC, Blackstone, D.R. Horton, Elevance Health, Genuine Parts, Intuitive Surgical, KeyCorp, Marsh & McLennan және Snap-On инвесвторлар алдында қаңтар мен наурыз аралығында алынған инвесткіріс бойынша ақпарат жариялайды және таяу болашаққа болжам жасайды.

АҚШ риэлторларының Ұлттық ассоциациясы наурыз айында қайталама нарықтағы сауда-саттыққа қатысты ақпаратты жариялайды. Консенсус-бағалау бойынша маусымдық ауытқуды есептегенде, жылдық көрсеткіште сатылған үй саны 4,2 млн болуы ықтимал. Бұл ақпан айына қарағанда 180 мыңға аз. Қайталама нарықтағы үйдің сатылымы ақпан айында күтпеген жерден 9,5%-ға өсті, бұл жыл ішіндегі ең үлкен өсім.

Жұма, 19 сәуір,  American Express, Fifth Third Bancorp, Huntington Bancshares, Procter & Gamble, Regions Financial және Schlumberger есептерін жариялайды.