Активтерді қайтару қоры су тасқыны салдарын жоюға 2,2 млрд теңге жібереді
Заңсыз шығарылған активтерді қайтару жөніндегі комитеті арнайы мемлекеттік қорды 2,2 млрд теңгеге толықтырды. Бұл қаржы елдегі су тасқыны салдарымен күресуге жұмсалады.
Бас прокуратура ақпаратына сүйенсек, премьер-министрдің төрағалығымен өткен арнайы комиссияның соңғы отырысында мөлшері 24 млрд теңге активтері мемлекетке қайтарылған. Осы қаржыдан 2,2 млрд теңге арнайы мемлекеттік қорға жіберілген.
«Мемлекет басшысының тапсырмасына сәйкес аталған қаражат елдегі су тасқынының салдарын жоюға бағытталды», – делінген хабарламада.
Бұған қоса, алдағы уақытта да өндірілетін қаражат зардап шеккен өңірлердің әлеуметтік жобаларына бағытталатын болады.
Активтерді қайтару жөніндегі комитет
12 қазанда президент жарлығымен заңсыз иемденілген активтерді заңды жолмен қайтаратын арнайы мемлекеттік мекеме құрылды. ҚР Бас прокуратурасының жанынан құрылған «Активтерді қайтару жөніндегі комитет» жұмысын ратификациялаған халықаралық шарттарға сәйкес жүргізеді.
Комитет Заңсыз шығарылған активтерді Мониторинг және талдау барысында анықтайды. Уәкілетті орган сатып алынған активтердің заңдылығына қатысты күмән туындаса, ол активтерді қайтару жөніндегі комиссияға жүгінеді. Комиссияға Парламент депутаттарынан, қоғам қайраткерлерінен, Үкімет мүшелерінен, мемлекеттік органдардың бірінші басшыларынан және өзге де тұлғалар кіреді. Жауапты орган комиссия қарауына осындай субъектілер мен олардың үлестес тұлғаларын тиісті реестрге қосу туралы ұсыныстар енгізеді.
Активтерді сатудан түскен ақша, қаржы түсімдері Қазақстан Республикасының әлеуметтік, экономикалық жобаларын қаржыландыруға жұмсалмақ. Қаржының бәрі Арнайы мемлекет қолма-қол ақшаны бақылауына түседі. Оған түскен қаржы мен жұмсалған ақшаны қазынашылық басқармасы қадағалап отырады.
