ESG қағидаттарын ұстанатын жаһандық көшбасшы ұйымдар рейтингі жарияланды
Freedom Life ӨСК мамандары арнайы зерттеу жүргізіп, әлемдегі ESG талаптарын дамытуға көп үлес қосып жатқанын елдерді анықтады.
Жыл сайын бүкіл әлем бойынша ESG стратегияларын жүзеге асыратын компаниялардың саны артып келеді. Statista.com халықаралық статистикалық порталының 2023 жылға арналған деректеріне сүйене отырып, сарапшылар ESG бағыттарын дамытуда үздік болған 20 жаһандық ұйымның рейтингін ұсынды. Бағалау 100 балдық шкала бойынша жүргізілді, оған үш негізгі құрамдас бөліктердің көрсеткіштері кірді: қоршаған орта, әлеуметтік сала және менеджмент.
Көшбасшы компаниялар
Freedom Life ӨСК зерттеуінше, рейтингтің бірінші орында Microsoft (72,76 ұпай), Applied Materials 71,71 ұпаймен екінші орында, Вудворд 71,69 ұпаймен үшінші орында. ESG саласындағы ең үздік жиырма компанияны Arthur J. Gallagher – 65,66 ұпаймен қорытындылады.
ESG-ге қосқан үлесі қандай?
Microsoft – Windows операциялық жүйесімен танымал көпұлтты корпорация. 1975 жылы 4 сәуірде құрылған. Компания 1 млн-ға жуық адамды таза сумен және кәріз жүйесімен қамтамасыз етті. 2030 жылға қарай қалдықтарды нөлдік мәнге жеткізуді көздейді.
Applied Materials – жартылай өткізгіш чиптер мен дисплейлерді өндіруге арналған жабдықты, қызметтерді және бағдарламалық қамтамасыз ету бойынша жабдықтар жеткізуші. 1967 жылы 10 қарашада құрылған. Компания АҚШ-та 100% жел және күн энергиясын, бүкіл әлем бойынша 69% жаңартылатын электр энергиясын пайдалана отырып, көміртегі шығарындыларын азайтуда прогреске қол жеткізді.
Қазақстандағы ESG қағидаттары
Зерттеуге сүйенсек, Қазақстандық нарық тек ESG трансформациясының басында тұр. Соған қарамастан көптеген компания бұл бағытта ұзақ уақыт бойы дамып келеді. Ірі қаржы институттары үшін бизнестің тұрақтылығы экологиялық, әлеуметтік және басқару аспектілерімен тығыз байланысты.
Осы мақсатта компаниялар қаржылық сауаттылық, әлеуметтік жауапкершілік, өнерді, мәдениет пен спортты қолдау, қоршаған ортаны қорғау жауапкершілігі сияқты салаларды дамытуда.
«Мысалы, жақында болған су тасқыны. Бұл тұста Freedom Life ӨСК компаниясының қызметкерлері зардап шеккендерге көмек көрсету үшін еріктілер ретінде апат аймақтарына барды. Сондай-ақ қаңтардағы тәртіпсіздік пен Абай ауданындағы өрт сияқты ірі қайғылы оқиғаларды атап өту керек. Зардап шеккен қазақстандықтарға қаржылық көмек ретінде компания Freedom Support ерікті аннуитеттік сақтандырудың арнайы бағдарламасын іске қосты. Сондай-ақ осы бағдарлама арқылы компания қазақ мәдениетінің дамуына ықпал етеді. Көрнекті авторлар мен Mecenat.kz қазақ әдеби сыйлығының лауреаттарына тұрақты өмір бойы аннуитеттік төлемдер жүргізеді», – деп хабарлады Freedom Life ӨСК.
ESG – environment (қоршаған ортаға жауапкершілікпен қарау), social (жоғары әлеуметтік жауапкершілік), governance (корпоративтік басқарудың жоғары сапасы) деген мағынаны айшықтайды. Яғни экономиканың үздіксіз дамуы үшін осы үш тармақтың тізгіні қатар өрілуі тиіс. Кез келген компания аталған үш қағиданы берік ұстанауы міндетті.
