«Самұрық-Қазына» ұлттық әл-ауқат қоры «Көкшетау ЖЭО», «Семей Энерго» және «Өскемен Энерго» жылу энергия орталықтарының 50%-на иелік етеді. Тиісті құжат Қазақстан қор биржасы сайтында жарияланды.
Оларды ресейлік «ИНТЕР РАО Экспорт» компаниясы салады.
2023 жылдың 9 қарашасында Қазақстан мен Ресейдің Энергетика министрліктері осы жылу электр станцияларын салу туралы меморандумға қол қойды.
Жобаларды жүзеге асыру үшін 2023 жылдың 26 желтоқсанында «Самұрық-Қазына» қоры мен ресейлік «ИНТЕР РАО Экспорт» серіктестігі ынтымақтастық туралы келісімге қол қойды. Жобаларды жүзеге асыруға уәкілетті ұйым ретінде Қазақстан тарапынан «Самұрық-Энерго» және Ресей тарапынан «ИНТЕР РАО Экспорт» компаниялары анықталды. Сәуір айының ортасында Энергетика министрлігі бірінші нысанның құрылысын биыл бастау жоспарланып отырғанын хабарлады. Өткен жылы Үкімет басшысының бірінші орынбасары Роман Скляр Көкшетауда құрылыс жұмыстары басталатынын хабарлаған болатын. Станцияның электр қуаты 240 МВт, жылу қуаты 520 Гкал/сағ болуы керек. Құрылыстың жалпы құны 239,4 млрд теңгені құрайды.
Энергетика министрі Алмасадам Сатқалиев Ресейдің жеңілдетілген несие, технология мен құрал-жабдық беруге дайын екенін хабарлады.
2024 жылдың қаңтарында «Самұрық-Қазына» қорының экономика және қаржы жөніндегі басқарушы директоры Айдар Рысқұлов Курсивке Бірыңғай жинақтаушы зейнетақы қоры (БЖЗҚ) Екібастұз ММ екі блокты жаңғыртуға қажетті қаражаттың 30%-ын беретінін айтты.
16 қаңтарда «Самұрық-Энерго» АҚ басқарма төрағасы Қайрат Мақсұтов Ресейдің негізгі технологиялық жабдықтары субсидияланған мөлшерлеме бойынша жеңілдетілген қаржыландыруды қамтамасыз ету шартымен пайдаланылатынын айтты.
Сатып алынған үш жылу-электр станциясының акцияларынан басқа «Самұрық-Қазынаға» «ҚазМұнайГаз» АҚ-ның 67,42%-ы, «Қазатомөнеркәсіптің» 75%-ы, «Қазақстан темір жолы» АҚ-ның 100%-ы тиесілі. Оның ішінде «Қазақтелеком», «Самұрық-Энерго», «KEGOC», «Қазпочта» АҚ және т.б. акцияларының толық немесе ішінара үлесі бар.
