Париж-2024 Олимпиада ойындары бокстан әйелдер және ерлер арасындағы турнирдің жеребесі тасталып, боксшылардың қарсыластары белгілі болды.
Қазақстанның Ұлттық Олимпиада комитеті отандық спортшылардың алғашқы қарсыластарының тізімін жария етті.
Әйелдер:
- 50 келі: Назым Қызайбай – Джиордана Соррентино (Италия)
- 57 келі: Карина Ибрагимова – Лозада Мотта Ашлейан (Пуэрто-Рико)
- 75 келі: Валентина Хальзова – Атейна Билон (Панама)
Ерлер:
- 51 келі: Сәкен Бибосынов – Самет Кумуш (Түркия)
- 57 келі: Махмұд Сабырхан – Хосе Кильес (Испания)
- 63,5 келі: Мұхамедсабыр Базарбайұлы – Ойер Ибаррече Конде (Испания)
- 71 келі: Асланбек Шымбергенов – Зияд Ишиаш (Иордания)
- 80 келі: Нұрбек Оралбай – Каллум Петерс (Австралия)
- 92 келі: Айбек Оралбай – Олайтан Адам Олаор (Нигерия)
- +92 келі: Қамшыбек Қоңқабаев – Гадфа Дрисси (Испания)
Айта кетейік, 1996 жылғы Атлантада өткен жазғы Олимпиада ойындарынан бері қазақстандық боксшылар елге қоржынына әрдайым олимпиада медалін алып келеді. Соңғы Токио-2020 Олимпиада ойындарында 2 қола медаль алған. Ел қоржынына екі қола медаль салған Сәкен Бибосынов пен Қамшыбек Қоңқабаев Париж Олимпиадасына да аттанған еді.
Естеріңізге сала кетейік, Қазақстан құрамасы Париж-2024 жазғы олимпиадасына спорттың 25 түрінен 92 лицензия жеңіп алды. Ел намысын қорғауға барлығы 80 спортшы аттанды.
Олимпиаданың ресми ашылу салтанаты 26 шілде күні Астана уақытымен 20:00 басталады. Президент Қасым-Жомарт Тоқаев жұмыс кестесіне байланысты ашылу салтанатына бара алмайтын болды.
Қазақстандық теннисші Елена Рыбакина Париж Олимпиадасына қатыспайтын болды. Қазақстан теннис федерациясы спортшының денсаулығында кінәрат болғандықтан, осындай шешім қабылдағанын түсіндірді.
