![](https://cdn-kz.kursiv.media/wp-content/uploads/2024/08/5364203485014386429-1024x587.jpg)
Президент Қасым-Жомарт Тоқаев терроризмге қарсы күресті күшейту бойынша елдегі Қауіпсіздік кеңесінің шұғыл отырысын өткізді. Бұл туралы ресми Ақорда хабарлады.
«Президент Қасым-Жомарт Тоқаевтың төрағалығымен Қазақстан Республикасы Қауіпсіздік кеңесінің шұғыл отырысы өтті», – делінген хабарламада.
Ақпаратқа сүйенсек, мемлекет басшысы алдыңда қазіргі халықаралық жағдайды ескере отырып, Ұлттық қауіпсіздік комитетінің төрағасы Ермек Сағымбаев, Ішкі істер министрі Ержан Сәденов және Бас прокурор Берік Асылов экстремизм мен терроризмге қарсы әрекет етудің өзекті мәселелері жөнінде баяндаған.
Тоқаев қазақстандықтандар қауіпсіздігін қамтамасыз ету шараларын арттыруға бағытталған бірқатар нақты тапсырма берген.
23 наурызда Президент Қасым-Жомарт Тоқаев Қауіпсіздік кеңесінің шұғыл отырысын өткізіп, терроризмге қарсы күресте Қазақстанның Ресеймен бірге екенін растаған. Бұл кезде кеңес отырысы Мәскеу түбінде болған терактіден кейін шақырылған.
Мәскеудегі «Крокус Сити Холл» концерт залында атыс болған. «Пикник» тобының «Крокус Сити Холлдағы» концерті кезінде камуфляж киген белгісіз біреулер оқ жаудырып, артынша жарылғыш зат лақтырған. 100 шақты адам жарақат алып, 40 адам қайтыс болған.