Алматы қаласында футзалдан Чемпиондар лигасының топтық кезеңі басталып, Қазақстанның екі клубы «Қайрат» пен «Семей» өзара бақ сынайтын топта өнер көрсетіп жатыр. Бұл топта сонымен қатар Венгрияның «Халадаш» және Португалияның «Спортинг» командалары ойнайды.
Топтың алғашқы матчында португалдық «Спортинг» қазақстандық «Семейді» 6:4 есебімен жеңді. «Семей» командасының сапында Кайо Торрес, Кандидо, Чингиз Есенаманов және Дедезиньо гол салды. «Спортингтің» сапында Қазақстан ұлттық құрамасының ойыншысы Тайнан хет-трик жасап, өз командасына жеңіс сыйлады.
Екінші матчта «Қайрат» венгриялық «Халадаш» командасымен кездесіп, 4:0 есебімен жеңіске жетті. Голдарды Аллисон, Эдсон, Ариетта және Деннис соғып, «Қайраттың» жеңісін айқын етті.
Бұл ойындар қазақстандық командалардың Еуропалық ареналарда бәсекеге қабілеттілігін көрсетіп, ел намысын абыроймен қорғауда екенін дәлелдейді.
Айта кетейік, бүгін 23 қазан күні сағат 20:00 де Қазақстандық қос құрама «Қайрат» пен «Семей» бір-бірімен кездеседі.
Жанкүйерлер билеттерді TICKETON.KZ сайтынан сатып ала алады. Бір билет бір ойынға жарамды.
Сонымен қатар QAZSPORT телеарнасы «Қайраттың» барлық кездесуін тікелей эфирде көрсетеді.
