Үндістандық кәсіпкер Ратан Тата 118 млн доллар көлеміндегі байлығын өзінің сүйікті итіне, Титоға мұра ретінде қалдырды. Бұл туралы Daily Mail хабарлады.
Ратан Тата, Tata Group-тың бұрынғы жетекшісі, 10 қазанда Мумбайдағы ауруханада 86 жасында дүниеден озды. Ол өмір бойы үйленбеген және балалары болмаған. Оның өлімінен екі апта өткен соң, өсиетінің шарттары жария етілді.
Тата өз итіне 91 миллион фунт стерлинг қалдырды, алайда оның итінен басқа, күзетшісі Конар Суббиах және аспазшы Раджан Шоу да едәуір қаражат алады. Daily Mail мәліметінше, Тата өзінің өсиетінде итінің қамын қамтамасыз ету үшін арнайы талаптарды белгілеген.
Ратан Тата 1937 жылы дүниеге келген, ол Tata Group-тың негізін қалаушының немересі. Бұл компания 29 кәсіпорыннан тұрады және 100-ден астам елде бизнес жүргізеді, өнімдері 160 елге жеткізіледі. Компанияның қызмет саласы – болат өндірісі, автомобиль жасау және аутсорсинг қызметтері. Дүниежүзінде 350 мыңнан астам адам жұмыс істейді.
Тата Group-тың жетекшісі ретінде (1991-2012) Ратан Тата компанияны Tetley, Jaguar Land Rover және Corus секілді ірі сатып алулар арқылы дамытуға үлкен үлес қосты. Сонымен қатар, ол 40-тан астам стартапқа инвестиция салды.
Оның өлімінен кейін көптеген мемлекеттік және бизнес өкілдері көңіл айтты. Үндістан премьер-министрі Нарендра Моди Татаны «көреген, бизнес жетекшісі, жанашыр жан және ерекше адам» деп атады. Google-дің бас директоры Сундар Пичаи Ратан Татаның орасан зор іскерлік және қайырымдылық мұрасын атап өтіп, оның қазіргі заманғы бизнес көшбасшылығын дамытуда маңызды рөл атқарғанын мәлімдеді.
