Алматының 13 университеті Азияның үздік жоғары оқу орындарының рейтингіне енді
Алматының 13 университеті Азияның үздік жоғары оқу орындарының рейтингіне енді. QS Asia University Rankings 2025 тізіміне Қазақстаннан 35 жоғары оқу орны кірді. Бұл туралы Алматы қаласының әкімдігі хабарлады.
QS агенттігінің мәліметінше, Қазақстан жоғары оқу орындары жақсы серпін көрсетіп, өткен жылмен салыстырғанда рейтингте 60 пайыздан астам көрсеткішке көтерілген.
Мысалы, 22 қазақстандық жоғары оқу орны өз позициясын жақсартты, үш ЖОО өз позициясын сақтап қалды. Әл-Фараби атындағы Қазақ ұлттық университеті рейтингтің алғашқы 100-іне енді. Сондай-ақ, Satbayev University 89-шы орынды иеленіп, ТОП-100 қатарына кірді.
Бір жылдық үзілістен кейін Қазақ ұлттық қыздар педагогикалық университеті рейтингке қайта оралып, 801-850 санатына енді.
Айта кетейік, Азияның үздік жоғары оқу орындарының рейтингіне 25 ел мен аумағынан 985 жоғары оқу орны қатысты. Бұл рейтингті әлемдегі ең беделді агенттіктердің бірі QS Quacquarelli Symonds әзірлейді, ол университеттерді академиялық бедел, жұмыс берушілердің беделі, оқытушылар мен студенттер санының арақатынасы, ғылыми жарияланымдар және халықаралық зерттеулерге қатысу сияқты критерийлер бойынша бағалайды.
QS Asia University Rankings 2025 тізіміне енген Алматының университеттері:
- Әл-Фараби атындағы Қазақ ұлттық университеті – 29-орын.
- Satbayev University – 89-орын.
- Абай атындағы Қазақ ұлттық педагогикалық университеті – 131-орын.
- Қазақ ұлттық аграрлық зерттеу университеті – 149-орын.
- Қазақстан-Британ техникалық университеті – 230-орын.
- КИМЭП университеті – 269-орын.
- Абылай хан атындағы Қазақ халықаралық қатынастар және әлем тілдері университеті – 305-орын.
- Narxoz University – 345-орын.
- С.Д. Асфендияров атындағы Қазақ ұлттық медицина университеті – 345-орын.
- Алматы технологиялық университеті – 354-орын.
- Халықаралық ақпараттық технологиялар университеті – 751-800-орын.
- «Тұран» университеті – 751-800-орын.
- Қазақ ұлттық қыздар педагогикалық университеті – 801-850-орын.
Алматылық университеттерден бөлек, тізімге Түркістандағы «Яссауи» университеті, Шымкенттегі М.Әуезов атындағы университеті, Астанадағы Л.Гумилев атындағы Ұлттық Еуразия университеті т.б. енді
