Қазақстанның автокөлік нарығында қазан айында Chevrolet бренді ең көп сатылымға ие болды. «Қазақстанның Автокөлік Одағының» (ҚАО) деректері бойынша, осы айда 6,2 мың Chevrolet автокөлігі сатылған, бұл өткен жылдың қазан айымен салыстырғанда 64% артық.
Қазан айында ресми дилерлер 21,5 мың жаңа жеңіл және коммерциялық көліктерді сатты, бұл өткен жылдың сәйкес кезеңімен салыстырғанда 18,3% көп. Chevrоlet үлесіне барлық сатылымдардың 28,8%-ы тиесілі болды, яғни 6,2 мың көлік. Осылайша, Chevrоlet қазан айының сатылым рейтингісінде көш бастады.
Жалпы, Қазақстанда осы жылдың алғашқы 10 айында 158,6 мың автокөлік сатылды, бұл өткен жылмен салыстырғанда 1,5%-ға жоғары көрсеткіш.
«Қазан айында сатылымдар 20 мың автокөліктен асты, бұл ағымдағы жылдың ең жоғары көрсеткіші болып отыр. Маркетингтік кампаниялар жыл соңына дейін сатылымға өз үлесін қосатын болады. Жалпы, 2024 және алдағы жылдар автокөлік нарығы үшін тұрақтану кезеңі», – деп атап өтті ҚАО президенті Анар Макашева.
Ең танымал 10 автокөлік моделінің ішінде Chevrоlet Cobalt екі ай қатарынан көш бастап келеді. Қазан айында 5,8 мың Cobalt сатылған. Hyundai Tucson екінші орында (1,3 мың дана), ал үшінші орында Kia Sorento (746 кроссовер) тұр.
