Қараша айы түрлі қызық іс-шараға толы болды. Алда қыс, жаңа ай, жаңажылдық көңіл күй мен нағыз сауық-думан айы. Желтоқсанның алғашқы аптасына жоспарланған іс-шара өте көп. Әдеттегідей осы жолы да алдағы аптада өтетін ең қызық іс-шаралар тізімін әзірледік.
ORDA тобының ән кеші: Түркістан қаласы, 2 желтоқсан
Түрлі жас өкілін қамтитын, мыңдаған тыңдарманы бар «Орда» тобы жылдар өтсе де, қарқынын жоғалтқан емес. Бұл топ – қазақ өнерін жақсы көретін түрлі буын өкілдерін байланыстырушы көпір іспетті, караоке залында ең жиі шырқалатын әндер тізімін де «Орда» тобының әндері бастап тұрады. Жасы да, кәрісі топтың әнін естісе қосыла шырқап, ырғағына ілесіп, тербеле жөнеледі. 2000-шы жылдары құрылып, сол дәуірдің жаңалығы болған топ әлі күнге ел аузында.
Топ құрылған күннен-ақ көрермен ықыласына бөленді. Әуелде Бауыржан шоу әзіл-сықақ театры сахнасына шыққан ағайынды Оразбековтер мен ағайынды Беделхандар уақыт өте «Орда» тобы болып, сол кездегі топ чарттарда алдыңғы орындарды ешкімге бермеді.
Алғашқы жылдары шыққан «Қилы Заман» әні «платина» дәрежесін иеленіп, 50 апта бойы «Европа Плюс КЗ» радиосының ротациясында 1-ші орында болды.
Топтың концерттерін, сахнаға шыққанын қазір де тыңдарман асыға күтеді. Жиі концерт бермесе де, жұлдыздар залды жылдам жинайды. Қазір олар елдің түкпір-түкпірін аралап, концерт беріп жүр. Алдағы аптада ұжым Түркістан халқына арнап ән шырқап, би билейді.
Концерт Түркістандағы Конгресс Холл ғимаратында өтеді. Басталуы сағат 20:00-де. Билеттерді Ticketon.kz сайтынан таба аласыз
Шыңғыс Айтматовтың «Жәмилә» қойылымы: Қызылорда қаласы, 3 желтоқсан
Адамзат өміріндегі қалыптасқан дәстүр мен өз тағдырына қарсы тұрған жас әйелдің қиындыққа толы махаббаты. Жәмиләнің өміріндегі басты сынақ та осы махаббат. Әлсіз жан азап тартып, жан-жақты соғыс жалмаған дәуірде мұндай нәзік сезімдерге орын да жоқтай. Жол қиылысында тұрған Жәмила қандай жолды таңдауы керек? Оның сезім жетегіне еріп, махаббатын таңдауға батылы жете ме? – шебер жазушы Шыңғыс Айтматовтың «Жәмилә» деген шығармасы осы жайлы. Бұл – кемеңгер жазушының бірінші повесі. Ғасырынан асып туған, шебер суретші атанып кеткен қаламгерді сүйіп оқитындар өте көп. Дәл сол жандарға кітаптағы сүйікті кейіпкерді артистер қалай сахналағанын көріп, кітаптан алған әсерді тағы бір бастан кешіп көруді ұсынамыз.
Қойылым режиссері – Дана Жұмабаева.
Театрландырылған қойылым Қызылордадағы Н.Бекежанов атындағы облыстық музыкалық драма театрында өтеді. Билеттерді Ticketon.kz сайты арқылы ала аласыз.
Қазақша КВН. 25 жыл. Jaidarman: Алматы, 4 желтоқсан
Қазақша КВН-нің 25 жылдығына орай Алматы қаласында үлкен арнайы жоба – еліміздің ең үздік жас әзілкештері бір сахнада бас қосады. Әзіл-сықақ шарасы 2024 жылғы маусымның финалистерінің қатысуымен өтеді. Бұл әзіл-әжуаға, қағытпалы қалжың мен астарлы әңгімеге толы кеш болмақ.
Жайдарман кеші 4 желтоқсан күні сағат 19:00-де Алматының бас сахнасы Республика сарайында өтеді. Билеттерді Ticketon.kz сайты арқылы сатып ала аласыз.
МузАрт, Қайрат Нұртас, Nurbullin, Turar концерті Алматы қаласында, 5 желтоқсан
Алматыда қазақ эстрадасының жарық жұлдыздары бірігіп, керемет кеш өткізбек. Бұл көпшілік күтпеген квартет деуге болады, себебі бір күні бір сахнада МузАрт тобы, Қайрат Нұртас, Nurbullin және Turar өнер көрсетеді. Кеште әншілер өзідерінің ең жарқын, ең танымал әндерін орындап, көрерменге керемет көңіл-күй сыйлайды.
Бұл кешке көрерменнің көңілі толмай қайтуы мүмкін емес. Себебі бұл кеште 20 жылға жуық уақыт бойы қазақ даласын әнмен тербетіп келе жатқан МузАрт тобы ән шырқайды. Қазақ ән өнерінің жанашыры үшін триодағы әнші бір төбе. Олар Мейрамбекті бала жасынан біледі, Сәкенді ел ұлы деп жақсы көреді, топқа кейіннен қосылған Кенжебекті де үйдің кенжесіндей жақсы көреді.
Кештің көркін кіргізетін тағы бір әнші – Қайрат Нұртас. Халықтың ерке ұлы, нағыз хитмен. Қайрат келген көрерменге әдемі ән сыйлап, тамаша биімен тәнті етеріне күмән жоқ.
Ал сахнадағы харизмасымен, әуезді әндерімен көпшіліктің көңілінен шығып жүрген Нұрболат Абдуллинді жастар да, ересек буын да сүйіп тыңдайды. Оның сырлы әндері жанға жылу сыйласа, ырғақты әндері залда отырған көрерменді бір билетері анық.
Turar – Тұрар Ыдырыс та үлкен залдарды лық толтырып, концерттерін аншлагпен өткізіп жүрген танымал әнші. Оның бір өзінің де біршама тыңдарманы бар. Әндері де жетерлік және бәрі дерлік хит. Сондықтан бұл төрттік көрерменге керемет кеш сыйлайтынына мүлдем күмәнданбасаңыз да болады.
Концерт алдағы бейсенбі, 5 желтоқсан күні Респбулика сарайында өтеді. Басталуы сағат 19:30-де. Билеттерді Ticketon.kz сайтынан сатып ала аласыз.
Құрмаш Маханның жеке концерті: Орал қаласы, 5 желтоқсан
Алдағы жұма күні Оралдағы әнсүйер қауым қоңыр даусымен кезінде көпшіліктің көңілінен орын алған, әндері әлі күнге хит чарттан түспейтін Құрмаш Махановтың концертіне барып, демалып қайта алады. Құрмаш Маханов – ерекше тембрімен, әуезді әнімен тыңдарман жүрегінен орын алды. Оның әр туындысы күні бүгінге дейін көп орындалады, көп тыңдалады. Сезімге толы тамаша әндеріне әр кезеңнің әншілері өзіне кавер жазды. Ол каверлердің өзін де тыңдарман ыстық ықыласпен қабыл алып, плейлисінің бас жағына енгізіп қойды.
Осындай өміршең әндердің орындаушысы Құрмаш Махановтың кешінен қапы қалып жүрмеңіз. Концерт Орал қаласындағы «Атамекен» мәдениет сарайында өтеді. Басталуы сағат 19:00-де. Билеттерді Ticketon.kz сайтынан таба аласыз.
Алдағы аптада еліміздің әр қаласында өтетін өзге де концерттер, театр қойылымдары, кинопремьералар, турлар және басқа да іс-шаралар жайлы ақпарат пен билетті Ticketon.kz сайтынан таба аласыз.
