Әне-міне дегенше жылдың ең қарбаласқа толы апталарының бірі келіп қалды. Жылдың соңғы 10 күні – хронометражы ұзақ шытырман оқиғаға толы бір фильм секілді. Себебі бұл аптада барша жақынымызға сыйлық алып үлгеруіміз керек, баратын жер де, өтетін түрлі концерттік шара да көп. Қарбаластан шаршап кетсеңіз, қамықпаңыз. Біз алдағы аптада өтетін мәдени кештердің тізімін жасап қойдық.
«Щелкунчик» қойылымы
Орал қаласы
23 желтоқсан
Жаңа жыл өзгелермен жарысып, «Щелкунчикке» билет алып үлгеруге тырысу, осы бір тамаша қойылымды көру – желтоқсанның соңғы аптасының айнымас дәстүріне айналғалы қашан.
Санкт-Петербургтік балет жұлдыздары Орал қаласына жол тартты. Сергей Кононенконың жетекшілігімен классикалық балет театры 1999 жылдан бері Санкт-Петербургтегі Мариинский театрының труппасында, А.Я. Ваганова атындағы орыс балет академиясының түлегімен, халықаралық сыйлықтың лауреаты Солтүстік астананың әртістерімен бірге көрермен назарына Мариус Петиптің либреттосындағы Петр Ильич Чайковскийдің «Щелкунчик» деп аталатын екі актілі балетін ұсынып келеді.
Оралдағы көрермен үшін ұжым керемет құраммен өнер көрсетеді.
Керемет кештен қапы қалмаңыз. Қойылым суретшісі Юлия Журавлева жасаған костюмдер, сонымен қатар Максим Ушаковтың сиқырлы декорациялары мен сценографиясы сізді Рождестволық ертегі әлеміне еніп, керемет мәдени сапар шегу мүмкіндігін сыйлайды.
Классикалық сюжет бірегей декорациялармен, 30-дан астам әртістің кәсіби труппасымен және нағыз Петербург балет мектебімен үйлесім тауып, көрерменге қойылымды әлемдік мәдениетке енген орыс өнері мұрасының ең құнды беттерінің бірі ретінде толық көлемде бағалауға мүмкіндік береді.
Оралдағы кеш 23 желтоқсан күні «Атамекен» мәдениет сарайында өтеді. Басталуы сағат 19:00-де.
Билеттерді Ticketon.kz сайтынан таба аласыз.
Қазақ мемлекеттік симфониялық оркестрінің жаңа жылдық концерті
Астана қаласы
23 желтоқсан
Қазақ мемлекеттік симфониялық оркестрі барша өнерсүйер қауымды жаңажылдық концертіне шақырады! Еліміздің жетекші оркестрлерінің бірі жаңа жыл қарсаңында көрерменге таңғажайып классикалық музыка, хордың шебер орындауы, дәстүр мен батыл музыкалық шешімдерді біріктірген бірегей бағдарлама ұсынады.
Концертке Қазақ ұлттық өнер университетінің «Жастар» хоры қатысады. Дирижері – Батыржан Смақов, хормейстер – Айдана Сатыбалды және концертмейстер – Рауана Сауханова.
Сонымен қатар концертте көрермен үшін Қазақконцерттің солисі, халықаралық байқаулардың лауреаты Марат Айтымбай, Германияның Бремен қаласында өткен XIV Еуропалық пианистер байқауының жеңімпазы, Елизавета патшайымының атындағы (Брюссель), Геза Анда атындағы (Цюрих), А.Н. Скрябин атындағы халықаралық конкурстардың лауреаты, көрнекті пианист Станислав Хегай өнер көрсетеді.
Джаз және блюз элементтері үйлесімді ұштасқан классикалық музыка кеші көрерменге жаңа жылдық ғажайып атмосфера сыйлайды.
Концертке Т.Әбдірашев атындағы мемлекеттік академиялық симфониялық оркестрінің көркемдік жетекшісі және бас дирижері Қанат Омаров дирижерлік етеді.
Симфониялық концерт өнер сүйер қауым үшін нағыз мерекелік сыйлық болмақ. Сондықтан жаңа жылға жақыныңызға қандай сыйлық береріңізді білмей жүрсеңіз, концертке билет алуға асығыңыз.
Кеш 23 желтоқсан күні Астанадағы Qazaqstan Орталық концерт залында өтеді. Басталуы сағат 19:00-де.
Билеттер Ticketon.kz сайтына жүктелген.
Әmre-нің жеке ән кеші
Қызылорда қаласы
26 желтоқсан
Әміре – вокалдық импровизация шебері, дарынды композитор және музыкант, «Славян базары 2018» фестивалінің жеңімпазы, «Голос» шоуының финалисі, ерекше дауыс иесі.
Әміренің лирикалық әндері әртүрлі жас өкілін қамтиды, оның әдемі туындылары мыңдаған тыңдарманның жүрегінен орын тапты. Әміре отандық «Маска» шоуында көрерменге мүлдем басқа қырынан танылып, өзінің экспериментке ашық, жаңалыққа құмар әрі ізденімпаз әнші екенін дәлелдеді. Оның сол шоудағы каверларының өзі хитке айналып, музыкалық чарттардың көшін бастады.
Қызылордадағы кешінде әнші лирикалық сырлы әндерін де, ырғақты туындыларын орындап, тыңдарманының көңілін көтеріп, естен кетпес кеш сыйлауға асық. Сіз де билет алуға асығыңыз. Кеш Қызылордадағы Бекежанов атындағы драма театрында өтеді. Басталуы сағат 19:00-де.
Билеттер Ticketon.kz сайтына жүктелген.
Almaty Theatre-да өтетін Жаңа жылдық кеш
28, 29, 30 желтоқсан
Жылдың ең сиқырлы мерекесі қарсаңында Almaty Theatre ұжымы жаңажылдық өнер кешін ұсынады. Кеште балет, вокал және жанды музыка біртұтас көркемдік көркемдік қойылым боп бірігіп көрермен таңғажайып кештің куәсі болмақ.
Ұжым бұл іс-шараға ерекше ықыласпен дайындалып, әр детальға мән бергенін айтады. Келген көрермен жаңа жылдық сиқырды ғимаратқа кірген сәттен-ақ сезеді. Себебі ғажайыпқа ену процесі сәнді безендірілген холлдың керемет атмосферасынан басталады.
Кешке келген қонақтарды сиқырлы ертегілерден шыққан кейіпкерлер маскарад феериясының атмосферасына баурап алады. Жүргізуші-конферансье, маскарадтық дресс-код және керемет welcome drink театр холын әрбір қонақ мерекенің бір бөлігіне айналатын таңғажайып бал-маскарад кеңістігіне айналдырады.
Сахна төрінде әлемдік классика мен заманауи хореографияның жауһарлары өнер көрсетеді. «Астана Балет» театрының солистері «Щелкунчик» және «Күлбике» балеттерінен үзінділер көрсетіп, сонымен қатар жанды музыканың сүйемелдеуімен хореографиялық миниатюралар мен дуэттер орындайды. Juband джаз тобы Hallelujah, Let It Snow! және басқа да жаңа жылдық хиттерді көрерменмен бірге шырқап, әуелеген ән құшағына бөлейді. Рояль, флейта және ішекті аспаптар кешті нәзік дыбыспен толықтырып, ал вокалдық нөмірлер бай музыкалық кешті одан әрі толықтыра түседі.
Кеш соңында зал мерекелік атмосфераға толысып, көрермендерге ұмытылмас эмоция сыйлайтын жарқын попурри шырқалады. Керемет безендiруден бастап орындаушылардың шеберлiгiне дейiн әрбір элемент өнердiң барлық сұлулығын ашып көрсете отырып, көрерменге жарқын әсер қалдырары сөзсіз. Біз бұл жылды шығарып салудың керемет әдісі деп есептейміз, ал сіз ше? Ойымызға келіссеңіз билет алуға асығыңыз. Мұндай ғаламат кешке әркімнің-ақ барғысы келетіні анық.
Таңғажайып кеш Almaty Theatre ғимаратында үш күн қатарынан ұйымдастырылады. 28,29 желтоқсан күндері кеш 18:00-де, ал 30 желтоқсан күні сағат 19:00-де басталады.
Билеттерді Ticketon.kz сайтынан сатып ала аласыз.
Harry Potter and wizards of Tynda Music
Алматы қаласы
27 желтоқсан
Tynda.music камералық оркестрі өнерсүйер қауымға «Harry Potter» кино әлемі музыкасының жаңа концерттік бағдарламасын ұсынуға асық!
Фильм ретінде таспаланға әлемдік әдебиет бестселлері әлі күнге дейін әлемнің түкпір-түіпіріндегі адамдардың жүрегін жаулап, ең қызық шығармалар тізіміндегі алдыңғы қатардан түспей келеді.
Керемет музыка сиқыршылар мен маглдар, зұлымдар мен қаһармандар, ертегі кейіпкерлері мен фантастикалық жануарлардың сиқырлы әлемінің бетке ұстар шарайнасына айналды.
Хәрри Поттердің тылсымға толы әлеміне енуге мүмкіндік беретін осынау тамаша кеште көрермен ғажайып пен сиқырға толы оқиғалар атмосферасын сезініп, симфониялық оркестрдің орындауында кино әлемнің басты музыкалық саз әуендерінен ләззат алатын болады.
Tynda.music – кейінгі жылдары кеңінен танылып жүрген бірегей оркестр. Ұжымды әдеттен тыс алаңдарда сүйікті музыкасын орындау идеясы шабыттандырады. Топ кәсіпқой музыканттардан құралған. Ерекше форматта өнер көрсетіп жүрген бұл ұжымның қазақ мәдениетіне жаңа леп әкелгені анық. Олардың жиі концерт беретіні және залдың үнемі толатыны сол сөзімізге дәлел болса керек.
Ал жылдың қорытынды кеші 27 желтоқсан күні Республика сарайында өтеді. Басталуы сағат 19:30-да.
Билеттерді Ticketon.kz сайтынан таба аласыз.
Жаңа жыл қарсаңында өтетін өзге де түрлі қызықты мәдени іс-шаралар тізімін көріп, билет сатып алу үшін Ticketon.kz сайтына кірсеңіз болады. Жылдың соңғы аптасын керемет өткізуіңізге тілектеспіз!
