Netflix стримингтік платформасы «Игра в кальмара» сериалының 3-маусымының трейлерін жариялады.
Рекордтық көрсеткіштер
Сериалдың 2-маусымы нағыз феноменге айналып, тұсаукесерден кейін алғашқы төрт күн ішінде 68 миллион қаралым жинады. Бұл көрсеткіш 2022 жылы 50,1 миллион қаралым жинаған Дженна Ортега ойнаған «Уэнздей» сериалының рекордын басып озды.
Трейлерде танымал ойынға жаңа кейіпкер – ер адам бейнесіндегі Чхоль Су есімді жаңа қуыршақ қосылғаны көрсетілген. Ол бұрынғы Ён Хи есімді қуыршақпен жұп ретінде ұсынылды. Бұл жаңалық көрермендерді таңқалдырды.
Netflix трейлерге «Баршаңыз Чхоль Су есімді жаңа кейіпкермен таныс болыңыздар» деп жазба қалдырды. 3-маусымның премьерасы 2025 жылы маусым айына жоспарланған.
Еске сала кетейік, «Игра в кальмара» сериалының екінші маусымы 26 желтоқсан күні шыққан еді.
