Трамптың инаугурациясына Қазақстанның атынан республиканың АҚШ-тағы елшісі қатысады

АҚШ-тың жаңа президенті Дональд Трамптың инаугурациясына АҚШ-тағы Қазақстанның елшісі Ержан Ашықбаев қатысатын болды. Ақпараттық СІМ баспасөз қызметі растады.

Ержан Ашықбаев Қазақстанның АҚШ-тағы елшісі қызметін 2021 жылдан бері атқарады. Ол 2022 жылы АҚШ-тың 46-президенті Джо Байденмен кездескен.

АҚШ-тың 47-президенті Дональд Трамптың инаугурациясы алдағы дүйсенбі, 2025 жылғы 20 қаңтарда өтеді.

Дональд Трамп АҚШ президенті қызметіне екінші рет кіріседі. Сонымен қатар салтанатты жиында жаңа вице-президент Джеймс Дэвид Вэнс те ант қабылдайды.