Қырғызстанда компания атауларында қолдануға тыйым салынған діни терминдердің тізімі бекітілді. Тізімде жиһад, будда, Пасха, халифат, мәбарак және шіркеу сияқты сөздер бар.
Қырғызстан министрлер кабинетінің сайтында жария болған тізім 117 терминнен тұрады. Олардың ішінде мынадай сөздерді кездестіруге болады:
- Брахман – индуизмдегі бейбітшілікті құдайы;
- Будда – буддизмнің негізін қалаушы;
- Вакф – мұсылман құқығындағы діни немесе қайырымдылық мақсаттарға берілген мүлік;
- Жиһад – исламдағы сенім үшін күрес;
- Католицизм – христиан дінінің негізгі бағыттарының бірі;
- Махр – ер адамның некеге тұру кезінде әйелге беретін сыйы;
- Мүбарак – араб тілінен аударғанда бақытты;
- Мұсылман – исламды ұстанатын адам;
- Нирвана – Шығыс діндеріндегі адамның бір күйі;
- Талмуд – иудаизмнің діни заңдарын реттейтін қасиетті мәтін;
- Хадис – Мұхаммед пайғамбардың сөздері;
- Халифат – Ислам мемлекеті
Құжатқа министрлер кабинетінің басшысы Әділбек Қасымалиев қол қойған.
Айта кетейік, 2024 жылғы шілдеде Қырғызстан президенті Садыр Жапаров «заңды тұлғаның атауында діни сипаттағы сөздерді, терминдерді, анықтамаларды қолдануға» тыйым салатын заңға қол қойған.
Бұл жобаға сәйкес, елдегі «Жарнама туралы» заңның 16-бабында жекелеген тауарларды жарнамалау, оларға атау беру мәселелері қарастырылып, жарнамалау ерекшеліктеріне қарай кодекс бойынша жауапкершілік пайда болады.
