Таиланд астанасы Бангкокта өтіп жатқан Азия Кубогында Қазақстан құрамасы жоғары нәтиже көрсетіп, көш бастады. Бұл туралы Туризм және спорт министрлігі хабарлады. Бір аптаға созылған сайыстан кейін ел құрамасы 5 алтын, 6 күміс, 3 қола медальмен жалпыкомандалық есепте 1-орынға шықты.
Жүлдегерлер тізімі
Алтын медаль иегерлері:
- Қазақстан ерлер құрамасы (Ислам Сәтпаев, Константин Малиновский, Никита Шахторин) – 10 метрден пневматикалық винтовка
- Қазақстан аралас құрамасы (Константин Малиновский, Елизавета Безрукова) – 10 м, пневматикалық винтовка
- Олег Носков (жасөспірімдер арасында) – 10 м, пневматикалық винтовка
- Кирилл Цуканов (жасөспірімдер арасында) – 10 м, тапанша
- Қазақстан ерлер құрамасы (Рамазан Ынтықбай, Кирилл Цуканов, Кирилл Федькин) – 10 м, тапанша
Күміс медаль иегерлері:
- Ислам Сәтпаев – 10 м, пневматикалық винтовка
- Валерий Рахымжан – 10 м, тапанша
- Қазақстан әйелдер құрамасы (Валерия Попелова, Ирина Юнусметова, Ольга Аксенова)
- Қазақстан жасөспірімдер құрамасы (Малика Сейіл, Кирилл Федькин) – 10 м, тапанша
- Қазақстан әйелдер құрамасы (жасөспірімдер) (Малика Сейіл, Сәуле Әлімбек, Кристина Устинова) – 10 м, тапанша
- Қазақстан ерлер құрамасы (жасөспірімдер) (Ринат Казаченко, Олег Носков, Дмитрий Ким) – 10 м, тапанша
Қола медаль иегерлері:
- Александра Ле – 10 м, пневматикалық винтовка
- Қазақстан жасөспірімдер құрамасы (Олег Носков, Анастасия Григорьева) – 10 м, пневматикалық винтовка
- Кирилл Федькин (жасөспірімдер арасында) – 10 м, тапанша
2025 жылғы Азия Кубогына құрлықтың 23 елінен 320-ға жуық спортшы қатысып отыр. Қазіргі таңда Қазақстан құрамасы жалпыкомандалық есепте 1-орында келеді. 3 алтын медаль еншілеген Сингапур екінші орында тұр.
