Мемлекеттік кірістер комитеті блогерлердің салық төлемегенін қалай анықтаған
Мемлекеттік кірістер комитеті (МКК) 600-ге жуық қазақстандық блогерлердің салық төлемегенін олардың кәсіпкерлік қызметі туралы декларациясы мен салық органдарының есебін тексере отырып анықтаған. Бұл туралы МКК Кursiv.Мedia-ға берген жауабында айтқан.
«Камералдық бақылау әртүрлі ақпарат көздерінен алынған мәліметтерді, яғни кәсіпкерлік қызмет бойынша декларацияда, жеке тұлғаның өз декларациясында көрсетілген мәліметтерді және салық агенттерінің есебін салыстыру арқылы жүргізіледі», – деп жазылған комитет жауабында.
Сондай-ақ салық органдары уәкілетті мемлекеттік органдардың ақпаратына және салық төлеушінің қызметіне қатысты басқа да құжаттардағы деректерге сүйенген.
Егер мамандар сандар арасындағы сәйкессіздіктерді байқаса, азаматтарға хабарлама жіберіледі. Комитеттің түсіндіруінше, қазақстандықтар 30 жұмыс күні ішінде МКК-ға келіп, түсініктеме беруі қажет.
МКК блогерлерге салық мәселелерін шешу үшін қандай кеңес береді?
Егер азаматтар хабарламада көрсетілген бұзушылықтармен келісіпейтін болса, онда:
- салық органдарында тіркелу;
- анықталған бұзушылықтар көрсетілген салық кезеңі үшін хабарлама бойынша салық есептілігін ұсыну;
- азаматтың оның өтініші бойынша бұрын қайтарып алған ҚҚС сомасын бюджетке қайтаруға, сондай-ақ Салық кодексінің 104-бабының 4-тармағына сәйкес ҚҚС қайтарылған күннен бастап әрбір күн үшін есептелген өсімпұлды төлеуге;
- салық заңнамасында белгіленген тәртіппен электрондық нысанда берілген шот-фактураларды кері қайтарып алуға, түзетуге немесе толықтыру керек.
Егер азаматтар Мемлекеттік кірістер комитетінің «орташа тәуекел» талаптарымен келіспесе, салық органына заң бұзушылықтың жоқтығы туралы түсініктеме жіберуі қажет. Мемлекеттік кірістер комитеті «қауіптілігі жоғары» бұзушылықтарды анықтаған жағдайда, хабарламада көрсетілген операциялар мен операциялар туралы құжаттар түсіндірмеге қосылуы тиіс.
Түсіндірмелер жазбаша немесе электронды түрде болуы мүмкін.
13-14 ақпанда МКК 600-ге жуық әнші, кәсіпкер, журналист тәрізді танымал тұлғаларға салық ескертуін жіберді. Комитеттің дерегіне сүйенсек, олар 2022-2023 жылдар аралығындағы миллиондаған кіріс бойынша салық есебін дұрыс бермеген көрінеді.
Дәл осылай 600-ге жуық блогердің 93-іне салық ескертуі қате деген хат келген. Бірақ олардың өзі қате болып шығып, салықшылар қайтарып жатыр. Демек бастапқы талаптар күшінде қалады. Кіріс комитетінен ескерту алған тұлғалардың барлығы сол күйі 2022-2023 жылдар бойынша табысын дәлелдеуі керек.
