Шымкентте Наурызға орай қандай мерекелік шаралар ұйымдастырылады
Наурызнама онкүндігі бүгін, 14 наурыз күні Амал күнімен басталды. Наурыз мерекесіне орай елдің ірі қалаларының бірі – Шымкентте бірталай шаралар ұйымдастырылады. Қала әкімдігінің бастамасымен қала тұрғындары мен қонақтарына 14-3 наурыз аралығында концерттер мен жірмеңкелер, көрме мен жыр фестивальдері өткізіледі.
14 наурыз – Көрісу күні
14 наурыз күні Шымкенттің Астана алаңында сағат 11:00-13:00 аралығында мәдениет саласының өкілдерімен көрісу жоралғысы ұйымдастырылады. Ордабасы ауданы, «Шәмші» аллеясында күндізгі сағат 11:00-15:00 арылығында – Түркістан облысы мен Шымкент қаласының зиялы қауым өкілдерінің көрісу жоралғысы өткізіледі.
15 наурыз – Қайырымдылық күні
Бұл күні шаһар аумағында – «Мейірім жүректен» акциясы өтеді. Акция аясында отбасыларға баспана кілттері табысталып, түрлі жәрмеңкелер қтеді. Балалар үйлерінің тәриеленушілері үшін мерекелік концерттер мен цирк қойылымдары ұйымдастырылады.
16 наурыз – Шаңырақ күні
Қошқар ата өзені бойында сағат 11:00-де «Қошқар ата сейілі», ұлттық көрмелер мен спорттық жарыстары ұйымдастырылады. Ал Арбат демалыс аймағында – «Бақытты жанұя» іс-шарасы өтеді. Бұл күні перзентханаларда – жаңа туған сәбилерге «Наурыз-базарлық» сыйлықтарын табыстау жоспарланған.
17 наурыз – Мәдениет және ұлттық салт-дәстүр күні
17 наурыз күні сағат 11-де Қаратау дәстүрлі өнер мектебінде Республикалық «Күміс қалам» жас ақындар мүшайрасы өтеді.
18 наурыз – Ұлттық киім күні
Сағат 11:00-де Астана алаңында ұлттық киім фестивалі, отандық дизайнерлер көрмесі ұйымдастырылады.
19 наурыз – Жаңару күні
Жаңару күніның құрметіне орай Шым сити шағынауданынла – «Таза өлке» және «Рахмет, Жер ана!» экологиялық акциясы өткізіледі. Акция аясында қалада 1000 түп ағаш көшеттері отырғызылады.
20 наурыз – Ұлттық спорт күні қаладағы спорт алаңдарында түрлі спорттық іс-шаралар ұйымдастырылып, ұлттық ойындар мен жарыстар өткізіледі.
21 наурыз – Ұлыстың ұлы күні
Бұл күні Астана алаңы мен қала аудандарында, сағат 10:00-ден бастап мерекелік шаралар қткізіле бастайды. Күні бойы концерттер ұйымдастрылып, этноауыл ашылады, қолөнер көрмелері ұйымдастырылады.
Ал кешкі сағат 19:00-де Астана алаңында эстрада жұлдыздарының қатысуымен гала-концерт өтеді.
22 наурыз – Жыл басы
Мереке күніне орай сағат 10:00-дһге «Бесікке салу» дәстүрі, 14:00-ге – «Жарамазан Fest» республикалық байқауы жоспарланған.
23 наурыз – Тазару күні
Наурызнаманың соңғы күнінле қала аумағында сенбіліктер ұйымдастырылып, аулалар мен көшелер тазаланады.
Айта кетейік, Наруызнама онкүндігінде Астанада да бірталай іс-шаралар өткізеледі.
