Қарғын суға байланысты елдің үш өңірінде жол жабылды. Бұл туралы «ҚазАвтоЖолдың» баспасөз қызметі хабарлады.
«2025 жылғы 27 наурыз сағат 08:00 жағдай бойынша еріген қар суларының салдарынан 3 облыстағы 3 республикалық маңызы бар автомобиль жолдарында көлік қозғалысына шектеу қойылды», – делінген баспасөз хабарламасында.
Мына өңірлердің жол учаскелерінде көлік қатынасына шектеу енгізілген:
- Ақтөбе облысында «Қандыағаш – Ембі- Шалқар – Ырғыз» автожолында 3-92 шақырым аралығындағы жол учаскесінде қозғалыс шектелген.
- Қостанай облысында Қазақстан мен Ресей арасындағы бейтарап территорияда Мариновка ауылына жақын аймақтағы жол бөлігіне шектеу енгізілген.
- Солтүстік Қазақстан облысында «Петропавл қаласының айналма жолы» автожолының 4-7 шақырымы аралығында көлік өозғалысы шектелген. Жол Қожаберген жырау айналма жолынан Есіл өзені арқылы өтетін көпірге дейін жабық.
