2025 жылдың 18 сәуірінен бастап, Қазақстанның Экология және табиғи ресурстар министрлігі жұмыс уақытының кестесін өзгертті.
Министрліктің баспасөз қызметінің мәліметінше, бұл өзгеріс ҚР Еңбек кодексінің 46-бабына сәйкес енгізілген. Өзгерістер министрліктің орталық аппаратына, бағынысты ұйымдарына және аймақтық бөлімшелеріне қатысты.
Жаңа жұмыс кестесі:
- Жұмыс күні басталады: 08:00-де (бұрын 09:00 болған);
- Жұмыс күні аяқталады: 17:30-да (бұрын 18:30);
- Түскі үзіліс: 13:00 – 14:30.
«Осыған байланысты барлық қызмет алушылардан жаңартылған жұмыс уақытына сәйкес келуді және қабылдауға тек жаңа кесте бойынша келуді сұраймыз», – делінген министрліктің баспасөз қызметі таратқан хабарламада.
Осы жылы наурыздан бастап кейбір министрліктер мен облыс әкімдіктері жаңа жұмыс кестесіне ауысып жатыр. Мәселен, сәуірде Ақтөбе облысы әкімдігі жаңа кестеге көшетінін хабарлады. Енді мекеме қызметкерлері жұмысын жарты сағатқа ерте бастайды.
