2 қыркүйектен бастап, күзгі әскерге шақыру науқаны басталады. Бұл туралы Коммуникациялар қызметінде өткен брифингте Астананың Қорғаныс істері жөніндегі департаменті басшысының орынбасары Әнуар Әубәкіров айтқан.
«Мемлекет басшысының Жарлығына сәйкес 2 қыркүйектен бастап еліміздің барлық өңірінде қалалық және аудандық шақыру комиссиялары өз жұмысын бастайды. Осы кезеңде 18 бен 27 жас аралығындағы шамамен 22 мың жас қазақстандық Қарулы күштер мен басқа да әскери құрылымдардың қатарына қосылады», – деді министрлік өкілі.
22 мың жас азамат мынадай құрылымдарда өз борыштарын өтейді:
- Қарулы күштерге – 10 мыңнан астам;
- Ұлттық ұланға – 7 мыңнан астам;
- ҰҚК Шекара қызметіне – 2 мыңнан астам;
- Төтенше жағдайлар министрлігіне – 300-ден астам;
- Мемлекеттік күзет қызметіне – шамамен 300 сарбаз қабылданады.
Әскер қатарына тек Астана қаласының өзінен 1100 азамат әскерге аттанады.
Әскерге шақырту 414 бірыңғай байланыс орталығы арқылы жіберіледі.
