Атырауға инвестиция азайып, Ақмола, Ақтөбе облыстарында көбейді

Қазақстанда экономикалық өсімге негізінен өнеркәсіп, сауда және көлік қызметтері үлес қосты. Бұл туралы ҚР Ұлттық экономика бірінші вице-министрі Әлібек Әмрин мәлімдеді.

Оның айтуынша, негізгі капиталға салынған инвестициялар 13,5%-ға өсіп, 13,8 трлн теңгеге жеткен. Соның ішінде жеке инвестициялар 7,8%-ға артқан.

Салалар бойынша:

Қаржы қызметіне инвестициялар – 2 есеге,
білім беруге – 1,8 есеге,
өңдеу өнеркәсібіне – 30,7%-ға,
ауыл шаруашылығына – 21,1%-ға,
көлік қызметтеріне – 14,8%-ға ұлғайған.

Ең жоғары инвестициялық өсім Ақмола, Жамбыл, Ақтөбе және Павлодар облыстарында, сондай-ақ Астана қаласында тіркелді. Ал инвестициялар төмендеген өңір – Атырау облысы.

Бұдан бөлек, сыртқы сауда айналымы ағымдағы жылдың қаңтар–тамыз айларында 90,1 млрд долларды құрады.

Экспорт – 50,2 млрд доллар, оның ішінде өңделген тауарлар экспорты — 18,1 млрд доллар, ал импорт – 40,1 млрд доллар.