«Отбасы банк» АҚ басқарма төрағасы Ләззат Ибрагимова өсіп келе жатқан сұраныс аясында ипотеканың қолжетімділігіне қатысты жағдайға түсініктеме берді. Спикердің айтуынша, тұрғын үй бағдарламаларына деген қызығушылық әлі де жоғары. Бұл туралы ол журналистерге Мәжіліс аясында айтты.
Ибрагимова банк тұрғын үйді несиелендіру бағдарламаларына өтініш берушілердің үлкен ағынын тіркейтінін атап өтті. Мысал ретінде 1 қарашада жарияланған «Наурыз» ипотекасын келтірді.
Оның мәліметінше, конкурс аясында 8 мың орынға 32,5 мың өтініш түскен.
«Іс жүзінде конкурс – бір орынға төрт адам», – деп атап өтті банк басшысы.
Бағдарламаға қатысу бастапқы жарнаның 20% болған жағдайда мүмкін болады. Ибрагимова старт үшін ең төменгі сома 2 млн теңгені құрайтынын және көптеген отбасыларда осындай қаражат бар екенін еске салды.
Ол, сондай-ақ, Suns (тұрғын үйге мұқтаждарды есепке алу жүйесі) арқылы өтініш бергендер үшін несие мөлшерлемесі жылдық 7% құрауы мүмкін екенін айтты.
Айта кетейік, осыған дейін «Жасыл ипотека» бағдарламасына сұраныс артқанын жазған едік. 2025 жылы қазақстандықтар «Жасыл ипотека» бағдарламасы аясында 14,7 млрд теңгеге 570 несие рәсімдеді. Ең көп несие Астана қаласында берілген.
