Netflix-тің американдық қызметі аты аңызға айналған Warner Bros. киностудиясын сатып алу туралы келісім жариялады, деп хабарлайды CNN.
Netflix теледидар мен киностудияны, сондай-ақ HBO Max ағындық қызметі сияқты активтерді 82,7 миллиард долларға сатып алуға келіскен.
Компания «Бэтмен», «Гарри Поттер» және «Тақтар таласы» сынды саладағы ең құнды зияткерлік меншік объектілерін бақылауға алады.
«Warner Bros. бір ғасырдан астам уақыт бойы ойын-сауық индустриясына бағыт беріп келеді. Біздегі бизнес үлгісінің арқасында кең аудиторияны олар құрып, , ізбасарларымызға көбірек мүмкіндіктер бере аламыз, бүкіл ойын-сауық индустриясын нығайта аламыз және акционерлер үшін үлкен құндылық жасай аламыз» – деді Netflix-тің директоры Грег Питерс.
Сатып алу туралы мәлімдеме Голливудты дүр сілкіндірді. Warner Bros. Discovery компаниясына американдық баспасөз алыбы CNN де тиесілі еді. Warner Bros. Discovery (WBD) 2026 жылы екі ашық компанияға бөлу жоспарларын жүзеге асырып жатқанын айтты. Бөлу күшіне енгеннен кейін, Netflix Warner-дің жартысын сатып алуға ниетті. Екінші жартысы, Discovery Global, CNN және басқа кабельдік арналарды қамтиды.
Сарапшылар Netflix пен HBO-ны біріктіру соңғы онжылдықтағы медиа индустриядағы ең маңызды бәсекелестіктің бірін аяқтайтынын атап өтті.
