Қазақстанның энергетикалық қауіпсіздігі мен тиімділігін арттыру үшін ірі су электр станциялары мен су нысандарын басқаруды жаңаша ұйымдастыру қажеттігі туындап отыр. Президент Қасым-Жомарт Тоқаев Үкімет пен «Самұрық-Қазына» қорының басшыларына ірі нысандарды жекенің басқаруына беруді тапсырды.
Тоқаевтың айтуынша, бұл маңызды шешімді қабылдау арқылы гидроэнергетика саласында нақты тиімділікке қол жеткізуге болады.
«Су ресурсы – ел энергетикасының сенімділігін қамтамасыз ететін маңызды резерв. Алайда олардың энергетикалық әлеуеті әлі толық пайдаланылып отырған жоқ. Бұрынғы совет кезеңінен қалған деректер қазіргі жағдайға сәйкес келмейді», – деді мемлекет басшысы.
Ол нақты гидропотенциалды бағалау мен заманауи карта жасау жұмыстарын жедел бастау қажеттігін атап өтті.
Бұған дейін президент ірі қалалардағы жылу электр станцияларының құрылысын жеделдетуді тапсырған.
