Илон Маскке тиесілі SpaceX ғарыш компаниясы жасанды интеллект әзірлеумен айналысатын xAI компаниясын сатып алды. Екіншісі де миллиардерге тиесілі.
«SpaceX xAI компаниясын ресми түрде сатып алды«, – делінген компанияның баспасөз хабарламасында.
Құжатта жазылғандай, жасанды интеллектіні дамыту үлкен энергия ресурстарын қажет етеді. Ал Жердегі қуат көздері экологияға зиян келтірмей бұл сұранысты толық қамтамасыз ете алмайды. Компаниялардың бірігуі болашақта деректерді өңдеу орталықтарын ғарышта орналастыруға мүмкіндік береді, мұнда олар толықтай күн энергиясы арқылы жұмыс істей алады.
Bloomberg мәліметінше, біріккен компанияның акцияларының құны шамамен 527 долларды, ал жалпы нарықтық бағасы 1,25 трлн долларға жетеді.
Осыған дейін Маск робот сату туралы жоспарын бөліскен. Ол келесі жылдан бастап гуманоидты роботтарын жаппай сатылымға шығармақшы.
