Құлсары мектебінде құрдастарына балтамен шабуыл жасаған 15 жастағы оқушы сабаққа қайта оралды, деп хабарлайды «Ақ Жайық» Атырау облысының білім басқармасына сілтеме жасап.
Басқарманың ақпаратына сүйенсек, зардап шеккен екі оқушы әлі де емдеуде жатыр. Оқушы ұстап жүгірген балта табылмады.
Сондай-ақ, басқарма жасөспірімнің ауылдар арасындағы төбелеске қатысуы туралы ақпаратты тексереді.
«Тергеу қорытындысы бойынша түпкілікті шешім қабылданады», – деді Атырау облысы білім басқармасының басшысы Марат Әбуов.
Басқарма жасөспірімдердің бұрын дос болғанын нақтылады. Олардың арасында жанжал туындаған.
Бұған дейін полицияның қылмыстық іс қозғағаны туралы хабарланған болатын. Материалдар кәмелетке толмағандардың ісі жөніндегі комиссияға жіберілді. Сондай-ақ, Оқу-ағарту министрлігінің комиссиясы аймаққа барады.
Мектептегі оқиға 5 ақпанда болған. 10-сынып оқушысы құрдастарымен қақтығыстан кейін оларға балтамен шабуыл жасаған. Екі оқушы жеңіл дене жарақатын алған. Жасөспірім қашып кетіп, алайда кейіннен тез қамауға алынып, уақытша ұстау изоляторына қамалды, қылмыстық іс бұзақылық фактісі бойынша тергелуде.
Кейінірек оқиға кезінде күзетші бекетте болмағаны белгілі болды. Мектеп директоры өз еркімен жұмыстан кетті.
