Қазақстанда жұмыс орны тек мансаптық өсу мекені ғана емес, сонымен қатар жеке өмірді қалыптастыруға да мүмкіндік береді. 15 сәуір – Қозы Көрпеш-Баян Сұлу күніне орай hh.kz платформасының сарапшылары 1,7 мыңнан астам адам арасында сауалнама жүргізіп, әріптестердің қаншалықты жиі үйленетінін анықтады.
Әріптестен жақын
Зерттеу нәтижелері көрсеткендей:
- респонденттердің 51%-ы кем дегенде бір рет жұмыс орнында ғашық болған;
- сауалнамаға қатысқандардың 31%-ында сезім байланысқа ұласқан;
- 14%-ы өз симпатиясын ұжымнан жасыруды жөн көрген;
- 6%-ы ғашықтық сезіміне жауап ала алмағанын мойындаған.
Бизнес емес, махаббат құруда
Статистика көрсеткендей, қызметтік романдар жиі маңызды дүниеге ұласады. Сарапшылардың мәліметінше, сауалнамаға қатысқандардың 11%-ы қорытындысында әріптестерімен некеге тұрса, тағы 16%-ы кездесіп жүруді жалғастыруда. Осылайша, кеңседегі ғашықтықтың әрбір төртінші жағдайы жұп құрылуына әсер еткен.
Ережеге қайшы
Қазақстанда жұмыстағы махаббатқа деген көзқарас прагматикалық күйде қалып отыр. Сауалнамаға қатысқандардың жартысына жуығы (44%-ы) егер мұндай қарым-қатынас тапсырмаларды орындауға кедергі келтірмесе, оны қалыпты деп санайды. Әріптестер арасындағы романға 27% азамат үзілді-кесілді қарсы.
Жеке өмір мен кәсіби міндеттерді ұштастыруды көпшілік мүмкін деп есептейді. Респонденттердің 46%-ының айтуынша, ең бастысы – рөлдерді дұрыс бөле білу. Сонымен қатар, сауалнамаға қатысқандардың 52%-ы жұмыста өз махаббатын жолықтырып, күні бүгінге дейін бірге жүрген әріптестерінен нақты мысал келтіре алады.
