Қазақстанда азаматтығы жоқ қанша адам өмір сүріп жатыр

2026 жылдың алғашқы үш айында Қазақстанға келген шетел азаматтарының саны елдегі азаматтығы жоқ тұлғалардың санымен теңесті. Бұл туралы Ішкі істер министрлігі хабарлады.

Көші-қон статистикасы бойынша, жыл басында Қазақстанда 7100 азаматтығы жоқ адам тіркелген. Үш айдың ішінде есепке 120 адам алынып, 142-сі есептен шығарылды, яғни олардың жалпы саны бар болғаны 22 адамға азайған.

Азаматтығы жоқ тұлғалардың көпшілігі Алматы облысы (1,29 мың адам), Алматы қаласы (1,1 мың адам) Жамбыл облысында (775 адам) тұрады. .

Елге келетін көші-қон ағыны әлдеқайда белсенді. Қазір Қазақстанда 243 мыңға жуық шетелдік азамат есепте тұр. 2026 жылдың қаңтар-наурыз айларында 7131 адам келсе, оның 3949-ы – этникалық қазақтар.

Халық көбіне ірі қалаларға көшіп келіп жатыр. Мәселен, үш айдың ішінде Алматыға – 1662, ал Астанаға – 1040 адам қоныс аударған.

Азаматтық алу қарқыны көші-қон ағынының ауқымынан төмен болып отыр. 2026 жылдың наурызында жеңілдетілген тәртіппен 5490 адам азаматтық алса, оның 1677-і балалар. Азаматтық алғандардың шамамен 84%-ы (4603 адам) қандастар.

Бұған дейін Шығыс Қазақстан облысында қос азаматтығы бар 250-ден астам адам анықталып, 17-сі жазаға тартылған еді.