Өскеменде зауыттағы жарылыстан зардап шеккендер саны тоғызға жетті

Өскемендегі «Қазмырыш» зауытында болған жарылыстан кейін тоғыз адам зардап шегіп, медициналық көмекке жүгінді. БАҚ-та осындай ақпарат тарады.

«Тағы бір адамға оқиға орнында реанимациялық шаралар көрсетіліп жатыр. Бір зардап шегушіні кәсіпорын жұмысшылары өз күштерімен медициналық мекемеге жеткізді»,- деп жазылған шұғыл қызмет таратты деген мәлімдемеде.

Оқиға орнында бес жедел жәрдем бригадасы жұмыс істеп жатыр. Қалған зардап шеккендердің жағдайы нақтыланып жатыр.

Бұған дейін төрт адам зардап шекті деп хабарланған еді.

Еске салайық, 5 мамырда таңертең Өскемен қаласында «Қазмырыш» компаниясының металл балқыту зауыты өртенді.