АҚШ президенті Польшадағы президент сайлауында Кароль Навроцкий жеңіске жетуі үшін әрі олардың арасындағы қарым-қатынасқа байланысты тағы 5 мың әскери қызметкерді жіберетінін «қуана хабарлайтынын» мәлімдеді.
«Мен мақтанышпен қолдау көрсеткен Польшаның қазіргі президенті Кароль Навроцкийдің сайлаудағы табысына және онымен арамыздағы қарым-қатынасқа байланысты Құрама Штаттар Польшаға тағы 5000 әскери қызметкер жіберетінін қуана хабарлаймын. Бұл мәселеге назар аударғандарыңыз үшін алғыс айтамын!» – деп жазды ол Truth Social әлеуметтік желісінде.
Мамыр айының басында Польша президенті Кароль Навроцкий Пентагон Германиядан 5 мың америкалық әскери қызметкерді шығару туралы шешім қабылдаған кезде Трамппен Еуропада америкалық әскердің болуын талқылаған. Польша президентінің кеңсесі көшбасшылар «поляк-америка альянсының беріктігі мен маңыздылығын» растағанын атап өтті. Кейіннен Трамп Германиядағы әскери контингент санын «бұдан да көбірек» қысқартуды жоспарлап отырғанын мәлімдеді. Әскерлерді көшіру 6–12 ай ішінде аяқталады. Қазіргі уақытта Польшада ротациялық негізде АҚШ-тың 10 мыңнан астам сарбазы бар.
9 мамырда Польшаның премьер-министрінің орынбасары және қорғаныс министрі Владислав Косиняк-Камыш Варшава көбірек америкалық әскерилерді қабылдауға дайын екенін мәлімдеді. Оның айтуынша, бұл НАТО-ның шығыс қапталын және Еуропаның қорғанысын нығайтады.
Еске сала кетейік, АҚШ Сенаты Трамптың Иранмен соғысқа қатысты өкілеттігін шектемек.
