Атырау облысында жол апатынан төрт адам қайтыс болды
Жарияланды
Атырау облысында жол апатынан төрт адам қайтыс болды. Жергілікті полицияның хабарлауынша, қайғылы жағдай 29 мамыр сағат таңғы 6:30 шамасында болған.
«Индер ауданында Индер-Қарабау тас жолының 15-шақырымында Hyundai Sonata автокөлігінің жүргізушісі басқару жүйесін игере алмай, жол жиегіне аударылған. Салдарынан 42 жастағы жүргізуші мен 3 жолаушы оқиға орнында қаза тапты», – делінген ақпаратта.
Тағы бір жолаушы түрлі дене жарақатымен аудандық ауруханаға жеткізілді.
Қазір тиісті іс-құжаттары жинақталып, сотқа дейінгі тергеп-тексеру амалдары жүргізіліп жатыр.
Еске салайық, 21 наурызға қараған түні сағат 03:30 шамасында Алматыдағы Әл-Фараби даңғылы мен Меңдіқұлов көшесінің қиылысында жол апатынан үш адам қаза тапты.
